هذي أخته..هّذي أخته

**حنااايا..الروح** · 10-08-2015, 11:24 AM

بعد خمس سنين مريت انا بالسوق وشفته..

صدفه جابتني لدربه من بعد خمسة سنين..

والله اني من سمعته كلم البايع عرفته..

التفت بلهفة اللي حيل مضنيها الحنين..

لكن الصدمه عظيمه شايل.ن بيديه بنته..

ومعه ام البنت تمشي شابكه فيه اليدين..

وقتها دارت بي الدنيا وحزني ما احتملته..

حارت دموعي واواسي نفسي: يا ريم ;اليقين..

وصرت افكر يعني يعرفني مثل ما انا عرفته..

والا ناسي قلبي اللي مارضى بغيره ضنين..

دق جواله ونزل من على الاحضان بنته..

وخثعت بنته ونادى: ريم لا لا توقعين..

قمت اناظرها ودمع احتار بعيوني ذرفته..

استوت هالدنيا عندي عادي لو موتي يحين..

انحنيت ابوس ريم وخدها الايمن لمسته..

التفت لي وقال لي: ياهيه فيها وش تبين..

قمت اتجاهل واسوي نفسي كني ماسمعته..

قال: يااختي ابعدي عنها ولاتستهبلين..

ويوم قرب لي بعيني من ورا البرقع خزرته..

وانكسر صمتي وقلت: الله على الدنيا يعين..

طاح جواله تلعثم قال: انا بحلم.ن حلمته..

والا واقع فهميني ليه عني تبعدين..

ليه عني ماسالتي وانا هذا الكون بعته..
لجل عينك ياعيوني وما اظنك تجهلين..

انا من بعدك يا ريمي حتى طاري العرس عفته..

ناظري فيني وشوفي كيف من بعدك حزين..

والله اني ما انام الا وماضينا ذكرته..

انتي وحدك من جعلتي قلبي القاسي يلين..

اقسم بربي غلاك بيوم ماعمري جحدته..

ماالتفت لبنت غيرك ما سمعت العاذلين..

ماسهجت دروب غيرك دربك اللي بس سهجته..

وش اسوي لجل ياروحي كلامي تصدقين..

حتى شوفي هذي اختي تشهد بصدق اللي قلته..

وهذي طفلتها على اسمك اسمها وتستاهلين..

صدقيني مانسيتك حبك الصادق حشمته..

حتى حرف الراء منك باقي له باذني رنين..

قلت: عامر قال: سمي قلت: انا والله صنته..

حبك اللي كان اصفى من ورود الياسمين..

كم طلبني واحد.ن غيرك وانا لجلك رفضته..

وكم تحملت الغثاء واسمع شماتة شامتين..

وكم لجل عينك بكيت وحتى ليلي لك سهرته..

حيل ذابحني غيابك وفرحوا بي الحاسدين..

وانت تدري بان حبي ماابالغ لو وصفته..

بانه اصدق حب يحصل في حياة الصادقين..

قال لي: يا ريم ربي يشهد بدمع.ن نثرته..

ويشهد اني وافي لحبك ولاسرارك امين..

ارجعي لابوك قولي: نصفي الثاني وجدته.بعد خمس سنين بالسوق انا شفته........؟ .

واحتريني جايب.ن مهرك ودبله باليمين.بعد خمس سنين بالسوق انا شفته........؟ ابتسمت وقلت في نفسي حرام اني ظلمته..

ثم طلعت من المحل والفرحه بعيوني تبين.بعد خمس سنين بالسوق انا شفته........؟

وقمت اتمتم في طريقي: هذي اخته,هذي اخته..

وااه يازين الوفاء لاصار بين العاشقين