(((( وش يهمك؟ ليه غــــــــــــــــــبت؟ ))))

[نسر البوادي]

وش يهمك؟ ليه غبت؟! ووين غبت؟! وليه جيت؟!..
دام ما هزّك غيابي وش يهزك.. لا لفيت؟!
~~~
ما تعوضني دموعك .. عن صدودك .. والجحود..
ليتني ما قلت أحبك .. ليتني لك.. ماحكيت !
~~~
ليتني ما جبت طاري.. ليتني.. ريحت بالي
وليتني في مثل حبك .. بالمحبه.. ما وفيت !
~~~
كنت ما افهم بالخيانه.. كثر ما اسمع.. بالخيانه!
وكنت وافي بالمحبه.. كثر ما عني.. سليت !
~~~
وكنت أشوف الناس مثلي .. غلطتي وأكبر ذنوبي
ايه لاني بالمحبه .. في هواك انت .. ابتليت .!!
~~~
ايه لاني في عيوني كنت أشوفك شي ثاني ..
وش أشوفك شي ثاني ؟! كنت ملكك ! ماحييت..
~~~
كنت أردد في غيابك.. أجمل بيوت القصايد..
كنت أررد (من يقول اني بنسيانك.. نويت؟)
~~~
ثم أردد (وان قويت أنساك ؟ نسيانك صعب!)
وكنت أرددها بصوتي في غيابك.. بيت.. بيت..
~~~
وطحت من عيني حسايف من مكان(ن) كنت فيه
ما رقا به شخص غيرك..!! لا ولاغيرك.. رضيت !
~~~
لأنك أول شخص عندي وآخر انسان(ن) أبيه
ولأنك انت اللي ملكني ولأنك انت اللي قويت ..
~~~
يسكن بوسط الحنايا وان جرح قلبي يمون ..
ساكن(ن) وسط الخفوق وفي عيوني له مبيت..
~~~
جفني الأول فراشه وجفني الثاني غطاه..
ولو عطيته كل عمري أعتبرني ما عطيت ..!!
~~~
كنت مفرط في حناني .. وكنت مفرط بالغرام..
لين صرت انسان عادي.. في عيونك لو بكيت .!
~~~
من غلاتك ,, من قساتك ,, من جحودك للوفا ..
من ضياع سنين عمري.. وأروع أحلام(ن) بنيت..
~~~
أصبحت مثل الحطام اللي تطاير في هبوب ..!
ودي أستدرك شتاتي.. لا ضميت.. ولارويت ..!!
~~~
غير حبك.. يوم حبك .. ضيّع سنيني معاه.. !!
حسبي الله..ان صدفتك .. وحسبي الله ان طريت..
~~~
وين ماوديت وجهي.. ألمحك تضحك علي
ألمحك تضحك علي ..!! وغير ربي ما شكيت ..!!!
~~~
مات قلبي وش بقى بي؟ أسألك بالله حي؟!!!
والخفوق اللي رميته في هواك اليوم ميت ؟!!!
~~~
كيف أنسى؟!..وكيف أسلى؟!..أسألك بالله كيف؟؟!!
ولو اقول اني نسيتك .. يعلم الله ما نسيت ..!!!
~~~
طعنت(ن) أدمت جروحي .. من كفوف اللي عطيته..
كل شي(ن) في حياتي... وإعتبرني ما عطيت .!!!!!!!
~~~
أكرهك ؟!! وأكره حياتي ؟!! وأكره سنيني معاك..!!
وأوعدك ما احب ثاني .. طول عمري ما حييت ..!!!
~~~
وش يهمك؟! ليه غبت ؟! و وين غبت؟! وليه جيت؟!..
دام ما هزّك غيابي؟!! .. وش يهزك.. لا لفيت؟!!!! ~

[مجنونك ما يخونك]

[نسر البوادي]

مجنونك تسلمين ياذوووق مرورك شمعه اضاءه الطرح

[حبي خالص]

ابداع متواصل أخي لاند
يسلم ذووووقك الراقي

" نص يستحق النجوم الخمس "

[الحب الصادق]

وش يهمك؟! ليه غبت ؟! و وين غبت؟! وليه جيت؟!..
دام ما هزّك غيابي؟!! .. وش يهزك.. لا لفيت؟!!!! ~

اخي المبدع لاند
لا جديد سواء التألق في ما تختار
سلمت يمناك

تحيتي

[نسر البوادي]

حبي خالص تسلمين ياذووق مرورك شمعه اضاءه الطرح وشكرالك لتزيينك الطرح بالنجوم الخمس

[نسر البوادي]

الحب الصادق مرورك اضاء الطرح اختي تسلمين ياذووق على المرورالرائع

[اهلي ملاذي]

دام ما هزّك غيابي؟!! .. وش يهزك.. لا لفيت؟!!!! ~

جمييل جمييل جميييل
آلف شكر لكك ولآ تكفي آخي لااند
آنتقآاء جدآآ رآئع و رآق لي كثيير !

[نسر البوادي]

اهلي ملاذي تسلمين ياذوووق مرورك اسعدني

[الصممت هيبةة]

كنت أردد في غيابك.. أجمل بيوت القصايد..
كنت أررد (من يقول اني بنسيانك.. نويت؟)
~~~
ثم أردد (وان قويت أنساك ؟ نسيانك صعب!)
وكنت أرددها بصوتي في غيابك.. بيت.. بيت..
~~~

تسسلم على طرحك الراقي ..