. . +|| حس أنك مآ تحسء || ~

[الشيخه الفلانيه]

-




وأنادي لك!
من آخر حيل في صوتي ..
من آخر ليل في موتي ..
أبي تَسْمع،
أبي تَدْمع،
أبي تطفي شموع الظن!
تَعَبت آشك في أكبر يقين ولا يجيني راي!
تعَبت آدك ما يُبنى وسط بالي من قصورك!!
وعادي لو تَغِيب ولو تَعَوْد ولو تِحِبْ ولو..
لَوَيْت أعناق هالعتمة وَجِيتك ضو..
وكان الفجر يتنحنح على جفني..
وأنا أسأل ليه ما نمتك،
قَبل هالفجر يصْفَعْني؟!
قَبل هالنور يَمْنَعني؟!
أعِيش أعمى وسط ليلك..
تَدَوج الريح وأتساهل مصابي..
تعج الرجل وأتحسس مصيري..
يفز الصبر وأتخثر مواني..
يطول الدم وأتنثر أغاني..
نسيتك لين ما كنِّي نسيتك..
ذكرتك لين ما كنِّي ذكرتك..
عشَقْتك لين ما كنِّي عشقتك..
وقلِّي كيف أبوصفها؟!
وقلِّي كيف أبقطفها؟!
عناقيدٍ تدلت آه..
مواقيدٍ تجلت آااه..
وأنا بِسْلال هالموعد، أنادي هالهوى وأقطف (ولا حاجة)!
رَغم وأقطف (ولاحاجة)،
رجَعت وممتلي بال"لاء"..
رجعت وعاري الأشياء..
يقول أسهب..
يقول أنهب..
يقول اصطاد ما تقدر تصيده..
يقول اعتاد ما تقدر تجيده..
وأنادي الطين لي صدري عَتب وإغواء..
وصوت الشمس في عذري تصب أضواء..
كثير أضواء..
كثير أضواء.
وباقي وسط هالعتمة أرتب للسنا..أجواء..
مُحِيط..أشبه...بلذة هالبكا (للناي)،
إذا مَ الريح هبَّت به نغم وفْحِيح!!
ستايرنا هي الأفعى..
هلل..وارميه..
صخب وأنفاس لها ترعى..
صخب تصفيق!!
كفوف الدار طربانة على بكانا..
تجي ونفيق من وعي الكفوف وننهر التصفيق..
تعال وقدِّ..من سمل الجدار شقوق..
وأنا الشاهد على هالجبس..
إذا رأب العيون أدماك..
تعال وحس..بأنك يا عنا مَ تْحس..
تعال وحس بأنك للأسف مَ تْحس !



الحبر والفكر بذرة والورق أرض الحصاد
امَّا تجمله السواني او يموت بْلا جنا


وانت وآنا ياضميري والتساؤل عن بلاد
عن بلادٍ فيك تشرق بأجمل لحون وغِنا


عن حنينك كل ماهودجت وجهك للشداد
عن قوافل طاش فيها ريح جدانك ثنا


أنت وآنا ياضميري شخص واحد للحياد
قول وافرش هالتعجب مهد وأحلامي ضنا


قال واحلام اليتامى قلت قوتٍ للجراد
قال وآمالك وفقرك قلت وش يعني أنا


قال واخبار الخطاوي قلت قربٍ للبعاد
قال والشايب وضيقه قلت ماعمره هَنَا


قال محصول الحنايا قلت جرح بْلا ضماد
قال وفصول البرايا قلت صبار وفنا


قال لون الأمس وشهو قلت أسود للحداد
قال باكر قصر أبيض قلت باقي ما انبنا


قال وكنوز القناعة قلت ياخي بس عاد
هو بقا مبدأ تعيشه دون تشعر بالعنا


قال واصحاب المبادي قلت ماتوا دون زاد
قال واحباب الأيادي قلت عاشوا في غِنا


قال والشعر المُبجل قلت جيش بلاعتاد
قال وسيوفك ودرعك قلت خانوني هنا


قال والعشق وحبيبك قلت عمرٍ للسهاد
قال والليل ونصيبه ؟؟ قلت لو يدري بنا


قال وايام السعادة قلت ماْسمع ثم اعاد
قال وايام السعادة قلت ذي ماهي لنا


وانت ياهمسٍ ترامى بين صرخات العباد
ما عطاك الله عتمة لجل تشحذني سنا


جيت والدنيا زوالي شوف ارم ذات العماد
ما يدوم الا دعاءك لا أحتدم صدرك عنا


للعذب : خليل الأحمد الشهري

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ

[رايق البال]

هلا فيك شيخة الرواق ..
لا جديد عليك هذا التألق في الإختيار العذب
الف شكر لجهدك واختيارك وتفاعلك الجميل
طابت لياليك ..
( نص يستحق النجوم الخمس)

[عملاق الشعر]

عميدة المتذوقين


نص في قمة الجمال
واختيار مــــــــــلكي



سلمت يداك المبدعة وذوقك الراقي

[الرميثي]

نص رائع
يسلموووو اختي ع الكلمات الراائعه ..
يعطيك العاافيه

[نسر البوادي]

الله الله عليك يالشيخه ابدااع وذائقه رفيعه المستوى يعطيك الف عافيه ياذوووق

[اهلي ملاذي]

آنتقآاء جدآآ مميز
شكرآ لك آلشيخه/!

[بقايا طيف]

الشكر الجزيل للاختيار الجميل
والذائقة الرائعة

دمت وسلمت

[الشيخه الفلانيه]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ

شآكره مرورككء خيتي '

[ايس كريم]

روعه

أبيات جمييله

سلمت يداكِ عزيزتي