قصيدة بعنوان: قالوا تزوج .......... ياشيخ !!!!

[نوارة الكون]

قصيدة بعنوان: قالوا تزوج .......... ياشيخ !!!!



شاب فقير خطب بنت عمه المليونير

وزود عمه طلباته عليه فقال القصيده:




سبحان من يرزق بتوع الملاييـن------------------
------------------ الرازق اللي ما يخيب الرجـا بـه

لي عم عنده معـرضٍ للصواليـن-------------------
-------------------أموت واعرف بس من وين جابـه

وإذا سألته قـال بعـت الدكاكيـن--------------------
------------------ما يدري إني ما هضمت الإجابـه

الشاهد إني رحت له قبـل يوميـن -------------------
---------------------في قصره العامـر ودقيـت بابـه

قال ارحب ارحب عدّ ورد البساتين ----------------
---------------------يا مرحبا باللـي لفـا يـا هلابـه

قلت البقا عـدّ النفـل والرياحيـن--------------------
-----------------يا شيخ شمل اهل الكرم والذرابـه

قال اسلم الله يحفظك لي من العين -----------------
-----------------وآمر أوامر حضرتـك مستجابـه

قلت الصراحة طالبٍ قرب غاليـن------------------
-------------------ودي تزوجنـي كريمتـك يـابـه

ثنّى وقال اهليـن والله وسهليـن -------------------
----------------والكون ترخص لجل عينك رقابـه

لكن ترا عندي شـروط وقوانيـن------------------
----------------قلت اشرط اشرط يا حبيب الغلابـه

قال أولاً مهر العروسـة ثمانيـن------------------
----------------غير الرسوم وغير حق العصابـه

والثانية عمك يبي منـك سبعيـن------------------
------------------رسم الأبـوّة والنسـب والقرابـه

وام العروسة حقها منـك ستيـن ------------------
-----------------عشانها ست الحسـن والمهابـه

واخوانها كلن يبي منـك خمسيـن-----------------
------------------عداً ونقـداً تنـدرج فـي حسابـه

وخواتها الخمس اعطهن من ثلاثين--------------
-----------------عشان تتوثـق عـروق النسابـه

وتجيب طقم عيار واحد وعشريـن ---------------
---------------وخاتم من الماس المصفى ترابـه

واكياس متروسة كعوب وفساتيـن---------------
-----------------ألوانهـا واشكالهـا مـا تشابـه

وموتر بسواقـه وفيـلا بدوريـن ------------------
------------------أثاثهـا مـن بطرتـه ينحكـابـه

واحجز لنا قاعة بقصر السلاطيـن---------------
---------------واحجز بهـا رقاصتيـن وربابـه

وامنع دخول اهل اللحى والبزارين--------------
----------------واعزم أميـر المنطقـة بالنيابـه

هذي الشروط اللي على بالي الحين--------------
---------------وذكرني اللي ما حسبنـا حسابـه

قلت اذكر الله يا عـدو المساكيـن----------------
------------------واستغفـره لا يبتلـيـك بعـذابـه

الظاهر إنك منت عارف أنا ميـن -----------------
----------------أنا لو ارقا فـوق متـن السحابـه

ما جبت حتى نص درزن مواعيـن----------------
--------------واضحك بكيفك واعتبرهـا دعابـه

شروطكم هذي شـروط المجانيـن-----------------
---------------شروطكم شغـل ابتـزاز ونهابـه

شروطكم تقصم ظهـور البعاريـن-----------------
-----------------شروطكـم همّـن وغـم وكآبـه

شروطكم والله سيوف وسكاكيـن----------------
--------------تذبح بنات المجتمع مـع شبابـه

وين الرضا والعطف واليسر واللين--------------
----------------اللي ذكرهـا الله بمحكـم كتابـه

وين الصفات اللي أمرنا بها الديـن ---------------
------------ وين اختفى نهج النبي والصحابـه

يا عم جعل اللي خلقنا من الطيـن----------------
----------------يرد عقلك مـن خطـاه لصوابـه

ويجعل نصيبي عند غيرك قل آمين---------------
------------ويحسن عزا الصابر ويجزل ثوابه

قال انت لو فكرت تفكير صاحيـن ----------------
-------------ما شفت في مجمل شروطي غرابه

حنا بعصـر العولمـة والمزاييـن ------------------
------------ ماهوب عصر الفلسفة والخطابـه

الناس تسعى للرتـب والنياشيـن-----------------
---------------وانت اهتمامك بالشعـر والكتابـه

والشعر ما ينفعك لو هو دواويـن ---------------
----------------ما دام جيبك مثـل بيـت الخرابـه

يا بوك لا تسمع كلام المصاخيـن---------------
------------واسأل مجرب عاش في وسط غابه

قلت الله اكبر يا محـرر فلسطيـن -----------------
--------------من يسمعك يحسبك ذيـب الذيابـه

تراك شايب راس مالـك رياليـن -----------------
------------- والبنت ما تسوى جنـاح الذبابـه

قال انقلع مالت على وجهك الشين---------------
----------------لا عاد اشوفـك عندنـا يالزلابـه

قلت ابشر ابشر لكن الباب من وين---------------
-------------واقفيت من عنده على صوت بابـه

[الشيخه الفلانيه]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[نوارة الكون]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً !

كل الشكر لج غاليتي اسعدني مرورج


ربي يعطيج العافيه

[رايق البال]

هلا فيك نواره ..
لاجديد عليك هذا التميز بالإختيار العذب
الف شكر لجهدك واختيارك وتفاعلك الجميل
طابت صباحاتك ..
( نص يستحق النجوم الخمس)

[نوارة الكون]

هلا فيك نواره ..
لاجديد عليك هذا التميز بالإختيار العذب
الف شكر لجهدك واختيارك وتفاعلك الجميل
طابت صباحاتك ..
( نص يستحق النجوم الخمس)

كل الشكر لك استاذي الفاضل اسعدني مرورك


ربي يعطيك العافيه

[اهلي ملاذي]

نوأرة الكوون// نص رآئع جدآآ
آلف شكر لطرحك وآنتقآئك المميز
خآالص آحترآامي/!

[أزهار الكرز]

أبدعتي ف الانتقاء أختي

[بقايا طيف]

سلمت الآنآمل لهذآ الانتقآء الرآقي
ابدعت في الآختيآر
لاحرمنآ جمآل عطآئك
دمت وسلمت

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ