¨°o.O(رحمتك يارب لامن ضاقت امنحني الوساع) O.o°¨

[♡سدرة المنتهى♡]

لو خسرتك ماخسرت العمر والدنيا متاع ..
وأدري إني لو خسرتك ماخسرت إلا القليل ..



بس فكر زين ،، تعرف من خسر فينا وضاع ..
وتعرف إنك لو تلف الأرض ،، وتدور بديل ..



والله إن تبطي ،، ولو لفيت كل البقاع ..
ولو تسوي وش تسوي ماأنت لاقي لي مثيل ..



وين تلقى مثل شخصي شخص ،، وطباعي طباع ..
ووين تلقى مثل قلبي قلب ،، أو مثلي خليل ..



البشر واحد ،،نعم ،، لكن فرق الإنطباع ..
يجعلك يمي تميل ،، ويم غيري ماتميل ..



يارفيقي إنتبه ..!وأحسن إلي الإستماع ..
للمواقف دور في كشف المزيف ،، والأصيل ..




وأنت ماقصرت فيني ،، موقفك جداً شجاع ..
طعنتك بالظهر فعلاً كانت إثبات ودليل ..




بيض الله وجهك اللي ساتره تحت القناع ..
ورايتك بيضا معاي وياعسى عمرك طويل..



يعني أعطيك الثقه وتردها بـ<لوي الذراع>..
ياخي ماشاالله عليك أبدعت في رد الجميل..



مدري كيف أشكرك ؟؟ مدري كيف أرد الصاع صاع؟..
كنت احسب إنك عزيز النفس..تطلع لي ذليل!!..




كم وأنا عيت أصدق فيك قدر المستطاع ..
من غبائي كنت أسكت وأعذرك وأثر الحصيل؟ ..




جرح قلب.. ميزته في كل يوم الإتساع..
ودمع عين ينهمر من ضيقتي..في كل ليل..




والله إني كنت أحبك حب ،، وأتبعك إتباع..
كنت لجل أرضي غرورك بس أسوي المستحيل..




كنت أعمى فيك ،، لالا كنت ميت للنخاع..
كنت مدري كيف؟ لكن كنت صادق معك حيل..




كنت أمارس في غرامي لك سياسة الإنصياع..
وكنت لاغي معك فكرة أعتزل أو أستقيل..




إندفعت بكل مافيني ،، وسوء الإندفاع..
يجبر الإنسان أحياناً ،، يفكر بالرحيل..



صدمتي فيك إنت ،، خلتني أفكر بإقتناع..
إن قتل النفس راحه لو أنا كنت القتيل..




إنفجر راسي من التفكير..وإزداد الصداع..
كيف أنا بفتك من جرحك؟؟ودوشة<<قالٍ وقيل>>..




صرت سيره في حلوق الناس وتالي هالضياع..
أنتحر!! معقول ؟؟ يالله وش هذا الغليل ؟؟..




رحمتك يارب لامن ضاقت امنحني الوساع..
إنت حسبي في الزمان الجاير ونعم الوكيل..




لاغدى <مستقبلي والماضي > أطراف النزاع..
وصفحة الماضي سواد وشيء من هذا القبيل..




فلازم أنسى لجل أنهي بداخلي هذا الصراع..
ولازم أتقوى ،، عشان أحقق النصر الجليل..




وطالما إن الهجوم أفضل وسيله للدفاع ..
مستحـــــيل أرضخ لو إن الحمل ياربعي ثقيل..




والبخيل اللي نساني وإشترى فيني ،، وباع..
يـــــــــــذلف الله لايرده ،، والله بجرحي كفيل..




وإن سأل عني..وجاكم بعد فترة إنقطاع..
علموه إني نسيته بس أنا ماني بخيل..




طالما كان السبب في قوتي.. قبل الوداع..
بلغــــــــــوهـ أقل شيء بخالص الشكر الجزيل..

[نورمان]

كم هو جميل انتقائك سدره المنتهي لقد ابدعتي
قصيده جميله جدا
سلمت اناملك على هذا الاختيار الرائع

[رايق البال]

هلا فيك سدره ..
اختيار جدا رائع ولا جديد عليك هذا التميز
الف شكر لجهدك واختيارك وتفاعلك الجميل
طابت لياليك ..
( نص يستحق النجوم الخمس)

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[زهرة الأحلام]

.
.



غاليتي / سدرة ..
كلماآتٌ جميلةة / ذوقٌ راآقي !
أسعدكـ الرحمن ~!

[♡سدرة المنتهى♡]

كم هو جميل انتقائك سدره المنتهي لقد ابدعتي
قصيده جميله جدا
سلمت اناملك على هذا الاختيار الرائع

أسعدني مرورك

[وآرف ❤️]

".ّ~
.
.
.
سدرة المنتهى
قصيدة جميلة جدا ..
^ كل الشكر لذائقتكِ الراقيه
^ طاب مسائكِ ✨؛

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ