الطيب فرصه / والجمايل توافيق ..

[جلنااااار]

الطيب فرصه والجمايل توافيق
ومن لاتوفق ماكتب له جماله

ومن لارقا للطيب روس المشاهيق
مازان له وقته على ماطراله

ومادام لفعول الجمايل عشاشيق
كسب الجمايل مايجي بالسهاله

ولو أنها تشرب على فكة الريق
كل(ن) خذاله كل ماأصبح بياله

والطيب منوة للقلوب المشافيق
كل(ن)يتوفق ومنوته رأس ماله

والمدح مايزهي على الرجل ويليق
الا ليا صارت وآفيات خصاله

يستاهله رجل(ن) يفك المزانيق
اللي يقال ونعم لاجا مجاله

ومن ساقته نفسه وهو مابعد سيق
لآجل الجمايل سهل الله مجاله

والمرجله ماهيب تحتاج تنسيق
ومن بين قلب اللي عشقه رجاله

ومن عادة الدنيا تخون المواثيق
تفتر مكراتها سوات المحاله

ولولا اللوازم ماعرفنا المخاليق
وما نعرف الرجال لين ننعناله

والكفو تظهر فزعته حزة الضيق
وينشاف في الشدة بعين العواله

نسل الرجال متعبين الملاحيق
متوسط(ن) ما بين عمه وخاله

واللي يطيق ولاجات قال ماطيق
نمو عليه المرجله والشكاله

والهينه تكبر على اللاش وتضيق
له في الرخا قاله وفي الضيق قاله

والطيب شارة والضماير صناديق
واللاش طيبه ما تعدى ظلاله

ومادام في الدنيا رجال ومطاليق
نصيتهم واللاش مالي وماله

[رايق البال]

هلا فيك جلنار ..
تملكين ذائقه جدا راقيه وعذبه
الف شكر لجهدك واختيارك وتفاعلك الجميل
طابت صباحاتك ..
( نص يستحق النجوم الخمس)

[جلنااااار]

هلا فيك اخي رايق البال ..
شكرا على تحفيزك الله يعطيك العافيه ..
طابت ايامك بالخير يارب ..

[كل الحكايه اشتقتلك]

جزيل الشكر لجهدك سيدتي
مودتي

[جلنااااار]

جزيل الشكر لجهدك سيدتي
مودتي

العفو وشكرا على المرور ..
الله يعطيك العافيه..

[نوارة الكون]

سلمت يمناج اختي
انتقاء جميل وتواجد اجمل
دمتي في حفظ الرحمن ورعايته

[حبي خالص]

قصيده جدا جميله عزيزتي
يعطيك الله العافيه

[روح الحلا1]

ذائقة رائعة جدا
تسلمين جلنار وربي يعطيك العافية..

[ندى الوورد]

راق لي اختيارك للنص أخيه
سلم الذوق

[الشيخه الفلانيه]

،



قصيده جميله
كُل آلششكرْ عَ آلأنتِقآء
يعطيكِ آلله آلععآفيهً !