رد مع اقتباس
الاحظها واسمعها كثيرا وقد قيلت لي اكثر من مرة خاصة انا ما محتاج .. جاءني ذات يوم احد الموظفين الغيرمنضبطين بالعمل عندما طلبته ان يوقع على لفت نظر بسبب كثرة تأخره وقال لي لن اوقع لو استقيل انا ترى مابحاجة الوظيفة عندي عمل يدخل لي راتبي بيوم واحد قلت اذا منت محتاج الوظيفة ليش كل يوم صاحي الصباح وجاي يعني تطوع او تسلية عموما قدم استقالتك وخل الوظيفة لواحد محتاج وفي النهاية وقع الانذار . وجاءتني احدى الموظفات تطلب السماح لها بالدوام نص دوام بنصف الراتب فرفضت لان العمل بحاجة موظف يداوم دوام كامل قالت انا يا اداوم نص دوام او اقدم استقالتي قلت قدمي استقالتك هذا شي راجع لك وبجيب موظف يداوم دوام كامل . الكلام هذا من سبع سنوات ومازالت تداوم يعني لا استقالت ولا شي ؟؟ بعض الموظفين يحاول لوي ذراع الادارة وخاصة اذا وجد مديرا غير حازم او يخشى العواقب.
الحزم مطلوب ومراعاة ظروف الموظف امر جميل ومطلوب ولكن مع الموظف الامين الملتزم اما بعض النوعية من الموظفين فلا ينفع معه الا القسوة ولكن بالحق لانهم لايعجبهم شي لو يتتعاطف معه وتقدر وضعه الى ابعد الحدود وتخليه يلعب بيطلب المزيد ولو تقول له خليك ببيتك واخر الشهر تعال تاخذ راتبك بيجي يوم يقول والله تعبت من المشاوير ماتقدروا ترسلوا راتبي لي بالبيت . نعم هناك موظفين هكذا ما يكفيهم شي ولا يعجبهم شي وهم كما يقول الله جل وعلا ( مثل الكلب ان تحمل عليه يلهث او تتركه يلهث ) . اما الادارة فاشلة فما اكثر ما نسمعها بين الموظفين المتذمرين
شكرا لك حنان على هذا الطرح الهادف .. تحياتي
المشاركة الأصلية كتبت بواسطة al_lamkia99
