((((لاتنشد القلب وش عناه وش رده))

**نوارة الكون** · 10-07-2016, 08:24 AM

((((لاتنشد القلب وش عناه وش رده))

لا تنشد القلب وش عنـــاه وش .. رده
إن قـلت أدلـك يقول الـوقت لـي غادي

عيّت ظروفك رخا .. وش عاد بالشـــده

خـل المشــاريه لــون المسأله ســادي

اتعـبت الــقلب وهـو وده ومـــا وده
مــعذور ما دام بــك موتـــي وميلادي

اجيك ضامي غــلا وانــا على عـــده
واي والله ارجع وانا مـــــا احصل مرادي

اجاملك والوله عــندي وصــل حــده
ياليت تدري غلاك اغــلى من فـــؤادي

واجد بهالوقت اشـــوف قــلوب مرتده
وان جيت ابــا ارتد معهم ردني منــادي

من علمك هالجفــا من شار... بالصــده
هو ما درى انه طفا بي شمـــــعة ودادي

من شافني قال هالمغـــرور مــن قــده
مايدري اني سببـــك اصارع رقـــادي

اخذت مـنك جروح مــقبله مــصـدّه
وش حدني لك ســــوى الاصرار وعنادي

من برد صدرك حرقت وجيـــــه منهدّه
تعبت ابا ادفى واخـــاف اولــع شدادي

البحر الاحمر سبب لونه ســهم جـــدّه
ومن كثر عشقه لــها متهيجن هـــادي

ما همّه صدودها مـا شــح فــي مــدّه
ما اختار رغم القسى وما اختـــار له وادي

بسلامة اللي سهــر وايـده على خـــده
العب ما دام الهوى ســيّد مــن اسياده
ايه اعشقك والغــلا مــلعون ابـو جــده
ان قلت عادي حشــى والله مـــو عادي

عرفت هالــقلب وش عنـــاه وش رده
مــعذور ما دام بــك موتـــي وميلادي