يالي تبي تعتبر مني خذ العبره

[ام الهنوف]

يالي تبي تعتبر مني خذ العبره
شعري لغيري وهو من منبع وجداني

ايداوي جروحهم وانا على خبره
جرحي هو الجرح واحزاني هي احزاني

تعبت ماعاد لي حيله ولا دبره
بيني وبين الطموح اللي تحداني

تعبت احاول معه من واقع الخبره
واتعبت الامال مع دربه ولا امداني

ان مات ما تاقف احلامي على قبره
لا اول طموح يموت ولا هو الثاني

الدرب اخبره لو اني زين ما اخبره
ادري لو احيان ما ادري وين وداني

بس ادري ان القلم مرهي على حبره
كنه موصى على شعري وقيفاني

يا صغر حجم القلم والفعل يا كبره
يا كثر ما ياقف ويتعب على شاني

لا ضاق صدري وصار اضيق من الابره
يا ما كتبني وخلا الناس تقراني

لعيون من يعتبرني مثل ما اعتبره
اللي غلاه احتوى دمي وشرياني

اليا كسر خاطري يقدر على جبره
وروحي فدا طلته ما بيه يفداني

من كثر ما اشتاق له تخنقني العبره
لكن فداه الدموع ان كانه ابكاني

لو ان صوت اللقا ماعاد له نبره
ولاني على وضعي الاول مثل ماني

مليت صبري واظنه مل من صبره
ويبين فرق الغلا لاجيته وجاني

يالي تبي تعتبر مني خذ العبره
شعري لغيري وهو من نبع وجداني

ايداوي جروحهم وانا على خبره
جرحي هو الجرح واحزاني هي احزاني

[رايق البال]

هلا فيك ام الهنوف ..
نص واختيار جدا راقي الله عليك الله
الف شكر لجهدك واختيارك وتفاعلك الجميل
طابت صباحاتك ..
( نص يستحق النجوم الخمس)

[قمر البلوش]

إنتقاء ثري بالذائقه
سلمتي ودام رقي ذوقك
بإنتظار القادم بشوق
كل الود لروحك

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[زهرة الأحلام]

.
.


غاليتي / ام الهنوف ..
كلماآتٌ جميلة ، ذوقٌ راآقي !
اسعدكـ الرحمن !

[الشيخه الفلانيه]

قصيده جميله
كل الشكر على الأنتقاء
يعطيك الله العافيه '

[ام الهنوف]

تـــســـــــــلــــــــــــمـــــــــــــــون على مـــروركم الأطيب

وتعليقاتكم الطيبة البـــنــــائه

[أشتاق للجنة]

نص رااائع أم الهنووف ❤