*ان كان تنشدني عن الحال ياحال*

[روانا]

87b05317811185d09e9f5b0d2ab3351a.jpg
إن كان تنشدني .. عن الحال ياحال
أرجوك لاتنشد .. ترى الحال مدمور
كلي عذاب وحزن .. مع ضيقة البال
وأضحك وأنا في داخلي قلب مقهور

وأصبحت ضايع .. والسبب حزن قتال
قلبي محطم .. خاطري حيل مكسور
وين السعاده .. دام الأحزان موال
صرت أتمنى لو يجي يوم مسرور

مجبور أجامل والشقى داخلي .. طال
ساكت على ظلم المحبين مجبور
وصابر مع إن الدمع بالخد همال
مالي غنى عن عيشة الهم و الجور

غصب علي الحزن في كل الاحوال
والهم مرسوم على الوجه منثور
معذور أمسح .. مارسمته من امال
وياللي تقول بعالي الصوت .. دكتور

صحيح انا دكتور في .. هم الاجيال
لوحدي أعيش بعالم الحزن مهجور
عايش حزين .. بوحدة ماله أمثال
وأشوف صف الحزن بالعين طابور

تعبت من دنيا .. بها الحزن يختال
ضحكة زماني .. ودعتني ومعذور
ولا عاد تنشد ليه .. انا ضايق البال
أرجوك تسكت .. دام أنا حيل مدمور

[نسر البوادي]

الله الله عليك روانا ابدااع ابيات فاقت الروعه والجمال وانتقاء اروع واجمل تسلمين ياذوووق
ننتظر الجديد

[نوارة الكون]

سلمت يمناج اختي
انتقاء جميل وتواجد اجمل
دمتي في حفظ الرحمن ورعايته

[رايق البال]

هلا فيك روانا ..
نص واختيار جدا رائع الله عليك الله
الف شكر لجهدك واختيارك وتفاعلك الجميل
سلامي لروحك ..
( نص يستحق النجوم الخمس)