(((((( لحظه حبيبي قبل يسبقنـي النـوم )))))

[نسر البوادي]

افتح شبابيك الهوى جيتـك اليـوم بحساس
من زود الوله عده ايطيـــــــــــــــــــــر

جيتك مثل طفلن له ايـام محـروم
عن حضن امـه بعدتـه المقاديـر

وجيتك مثل عودن له ايام مهمـوم
وده يلاقي باخـر الوقـت تقديـر

وجيتك حضن عاشق وهايم ومغروم
وده يضمك لين تصبح على خيـر

متى تحس ان الهوى شي مقسـوم
من قسمة الخالق على خلقه يصير

ومتى تحس اني لك اطيـح واقـوم
واتعب على شانك واقدرك وآغيـر

لي في هواك احلام وامال وعلـوم
واحزاب واصحاب وقصيد وجماهير

وهموم وافكار وهواجيس وحلـوم
وادروب واخطار وعذاب ومشاوير

وحب وغلا واخلاص ومعاند ولـوم
واحساس واللهام وشعور وتفاكيـر

وصحبة سهر ومقاطعة لذة النـوم
واشواق جياشه وعشَـق وتعابيـر

في ذمتك مابان لـك شـي مكتـوم
من بعد ماصورت الاوضاع تصوير

لاتحسب انك شي عابـر ومعـدوم
وتاريخ حبَك فاق كـل الاساطيـر

كنـي لقيتـك بأغنيـه لأم كلثـوم
وكني قريتك في روايـة شكسبيـر

في كل شي اتخيلك واسمعـك دوم
واتأملك في الوقـت الأول ولآخيـر

من ماضي الأيـام لايومـك اليـوم
وغَلاك عندي ماحصل فيـه تغييـر

وانا لك الله مأقبل البيـع والسـوم
ولا ارضى علي ولاعليك المخاسير

لاْني الوحيد اللي على بحرك يعوم
واللي عرف مرساه في رحلة السير

لحظه حبيبي قبليسبقنـي النـوم
بضم صَدرك لين تصبح على خيـر

[حبي خالص]

الله عليك
اختيار رائع وابداع متواصل أخي


" نص يستحق النجوم الخمس "

[نسر البوادي]

تسلمين اختي حبي خالص مرورك الرائع اضاف الروعه
وشكرا لك ياذووق على تزيينك الصفحه بالنجوم الخمس

[الشيخه الفلانيه]

أنتقاء جداً جميل
كل الشكر عَ الطرح
يعطيك الله العآفيه '

[نسر البوادي]

الشيخه تسلمين اختي مرورك العطر اسعدني ياذوووق

[روانـــــووو]

تسلم على الطرح
والإنتقاءات الجميلة دائماً
أسعدك الرحمن

[أميرة الروح]

نص رائع
بارك الله فيك

[نسر البوادي]

روان الغيث تسلمين اختي مرورك اسعدني ياذوووق

[نسر البوادي]

اميره الروح تسلمين اختي مرورك اسعدني ياذوووق