{عجزت ..// أحدد إحساسي وألم شتاته المنثور}

[حبي خالص]

مدخ ـل ..\]

أشـوف وأسمع زغـاريـد الفـرح ،، تملا صدى الجـدران..

عجزت ../
أحدد إحساسي وألم شتاته المنثور..
وأرسم بـ الحروف شعور بات سنين مزعجني..
شعور قاسي طبعه وأنا في قسوته مأسور..
مثل "طعم القهر"
وأكثر بـ ضيمه حيل خانقني..
أبشكي لك أحاسيس تبي تطلع تشوف النور..
ولكن ..!
قسوة بعادك تعاندها وتقهرني..
أبي أضحك ,,
وأبي أفرح ,,
وأبي أمشي كماالمغرور ,,
وأبي أمزح معك ,,
وأحكي ,,
وقلبك بس يسمعني ,,
وأبي أبكي ../
مثل طفل يصيح وخاطره مكسور ,,
ولامن شفتك ../
أبي أشكي لك "بعادك" كيف عذبني..
وأبي أسكت ,,
وأسمع لك ,,
وأناظر بـ العيون الحور..
وأبي أسرح مع همسك ,,
الين الهمس "يسحرني"..
أبي أحس بـ وجودك ,,
وأبيك بـ دنيتي كـ النور..
أخاف ../
أن طالت الظلماء ,,
يصير النور " يزعجني"..
أبي لو بس ../
تفهمني ,,
وتعرف ليش أنا "مقهور"..
أحس إني ../
من عنادك أحاسيسي تعاندني ,,
وأحس ../
بـ طيبتي قسوه ترعب "حبي المذعور"..
وتهدم كل أمالي بـ لحظه ثم "تهدمني"..
أبي أرضيك ../
رغم إني أبات وخاطري مكسور ,,
وأبي أرضيك ,,
لو همي من الافراح " يحرمني"..
ولا أبي منك غير ../
أنك تحس بـ " قلبي المدحور " ,,
وتستوعب مدى الحرمان ,,
يوم البعد " قآتلني
" ,,

مخ ـرج ..\
وانـا المرمي على صدر العـذاب ابكي على إعـدامي ..​

​

[ابوقيس99]

قسوة بعادك تعاندها وتقهرني

جميل وشي رأيع ستي حبي خالص

[رايق البال]

هلا فيك حبي خالص ..
الله عليك الله وعلى اختياراتك العذبه
الف شكر لجهدك واختيارك وتفاعلك الجميل
زانت أيامك ..
( نص يستحق النجوم الخمس)

[حبي خالص]

قسوة بعادك تعاندها وتقهرني

جميل وشي رأيع ستي حبي خالص

مرورك الأجمل شاعرنا
تسلم ما عليك زود

[حبي خالص]

هلا فيك حبي خالص ..
الله عليك الله وعلى اختياراتك العذبه
الف شكر لجهدك واختيارك وتفاعلك الجميل
زانت أيامك ..
( نص يستحق النجوم الخمس)

أسعدني مرورك استاذي
شكرا لك

[أميرة الروح]

نص جميل
بارك الله فيك عاﻻنتقاء

[حبي خالص]

نص جميل
بارك الله فيك عاﻻنتقاء

كجمال مرورك اميره
شكرا لك

[الــنور]

ذوق جميل ... يعطيك الله العافيه

[حبي خالص]

ذوق جميل ... يعطيك الله العافيه

الله يعافيك عزيزتي
شكرا لك

[مفآهيم آلخجل]

ذآئقة رآئعة

إنتقآء مميز

كل آلشكر لك!