(( واللي يبي لي ذل خسران خسران )))

[مجنونك ما يخونك]

​(( واللي يبي لي ذل خسران خسران )))

دوِّر بمجهر,, سخِّر الأنس والجان
مالك سوى الخيبة وزورٍ تدِلّه



بي ضعف إنسان,ولي عثرة إنسان
في كل أمر... إلا الدروب المخلة



دايم على قولي والأفعال ميزان
ترجح بكفه كل عثره ,وخِلة



أمشي على وضح النقا مشي سلطان
مثل الجبل مايخفضه دوس ظله



وأخفض جناحي من محبة وإيمان
وإن مِسَّت العزة فلله.....ولله



عندي كرامة تهزم اقلوب فرسان
هيهات تهزمني الدعاوي المضله



ولد رجال (ن) اللي لهم كلمه وشان
واللي لهم بالدين منهج ومِله



متميزين بعلم مع حلم وإحسان
رضيعهم تلقى به اللي تجله



أفخر بهم ,وأمشي على نور الايمان
أترك حرام الدين وأعمل بحله



لي عين فأقدامي ودربي بها بان
ولي عقل في عيني ولا أحدنٍ يضله



ولي غايةٍ فوق المكايد والاضغان
منها يفت الغدر روحٍ تسله



واللي عجز لاياصل لشم الأغصان
قال الثمر حامض,,,ودمعه يهله



والشمس ماتحجب بمنديل شيطان
وماتنكر العين الضيا دون عله



قولي به الإنصاف والحق برهان
يجف به حلقٍ وحلقٍ يبله



واللي يبي لي ذل خسران خسران
يرجع حسير الطرف خاسي بذله

[أميرة الروح]

نص رائع

بارك الله فيك

[مفآهيم آلخجل]

ذآئقة رآئعة
إنتقآء مميز
كل آلشكر لك..~

[نسر البوادي]

مجنونك تسلمين اختي ابدعتي الاختيار يعطيك الف عافيه ياذوووق