(((( من عرفت العلم وأنتِ يالليالي سرمدية ))))

[نسر البوادي]

من عرفت العلم وأنتِ يالليالي سرمدية

والوصول أغلى طموحات الفتى بأول شبابه


والمهابة ما تهادت غير لنفوساً رديّة

ليت في قلب الليالي للفتى قدر ومهابه


دنيةٍ تجمع صفاتين الخجل والعنجهيه

كنها بنت يزود بحسنها ثقل وذرابه


يوم جتني تمتحني في زمان الجاهلية

جيتها رجلٍ تحلى في تقاليد الصحابه


بالعطا تبخل علي و بالعذاب تموت فيه

عشتها قلب رحوم يكره الضّيم ويهابه


بس أبدري وش نهاية وصلها وأخر هدية

وهو صحيح ان القصايد للجريح أول عذابه


ومن عرف لك يالليالي وأنتِ أكثر من هويّة

ومن تحلف في ترابك مقتنع باللي جرى به


من قدر يفرض طموحه في زمان المعمعية

مَن مِن الناس يتجرأ يتركك و أنتِ ترابه


السؤال يعيد نفسه والاٍجابة مبدئية

ليت والله ما تكوني مبدئية يا أجابه


الرّحوم يخون ناسة والخوي ينسى خويه

والقلوب اللي تخالف ودها صارت تشابه


والخلايق ما تسوي طيبها جود وحميه

كلنا نضحك بوجهِ مبتسم للغدر نابه


لو يصير الموت راعي .. كلبونا له رعيه

لو زعل نزعل ونرضى لا رضى حضرة جنابه


والله إني ما نويت أكشف ملفات القضية

لكن أني شفت شيٍ يفقد العاقل صوابه


يا الحياه أنتِ غديتي بالغرابيل أجودية

كنّك اللي ما يميز بالخطأ غير ارتكابه


ما عطيتي غير جرح ولعنبوها من عطيّة

والله إنّك ما عطيتي خير للقلب وصوابه


خاينة .. ما أنتِ عزيزة خافقي يا الأجنبية

جنبي عني وأجنب من مداهيل الغرابه


وأخذ بدربٍ يدرك للقى روحه وجيه

يا يموت الدرب ولا بدفن القلب بضبابه


وإن ذبحتني تمنّي رجعتي وابكي عليه

لين تملين المحاجر بالبكا حزن وكآبه


و ادفنيني بين ظلك و الخيوط العسجدية

لو لقيتي بعد موتي واحد بنفس الصلابه


شاعرٍ قدم قصيده لاغلب أيامك ضحيه

بين ناسٍ مايطيقون القراية والكتابة


يا زماني لو بقى للشعر في صدري بقية

بكتبه وارسم خيالي بالورق وأروي سرابه


وكان ردت للعناد وعودت للمقدرية

والله أني ما أتنازل لين أعديه السّحابه


يا زمانٍ مبتلي به وابتلى فيني بلية

لا تلوم اللي يخونك كان له عقل ولبابه


بقفل القلب المشقى عن هبايبك العتية

ودقّ بابه من بعدها لو قدرت تدق بابه


الحياه اللي تسمي لعبة الشاطر خطية

ما تساوت في عيوني مع جناحين الذبابه


أذكر أني كنت عايش بالليال الأولية

وأذكر أني كنت عايش وقتها بأحضان غابه


ما عرفت إلا عبارة مثلها مثل الوصية

عيش عمرك ذيب تسلم من مخاليب الذيابه

[نوارة الكون]

سلمت يمناك اخوي
انتقاء جميل وتواجد اجمل
دمت في حفظ الرحمن ورعايته

[أميرة الروح]

نص واختيار جميل جدا
مبدع دائما في أنتقائك
يعطيك العافية عالانتقاء
بارك الله فيك
(يستحق ان يتوج بالنجوم)

[نـــــــقــــــــاء]

نص جميل
بارك الله فيك ع الإنتقاء أخي نسر البوادي

[نسر البوادي]

نواره الكون تسلمين اختي مرورك العطر اسعدني ياذووو ق

[نسر البوادي]

يعطيك الف عافيه اختي اميره على مرورك الرائع
شاكرا لك تزيينك الصفحه بالنجوم الخمس

[نسر البوادي]

حكايعه حلم تسلمين اختي مرورك العطر اسعدني ياذوووق

[اطياف السراب]

ممتاز جدا ابدعت الاختيار

شكرا جزيلا لك على جهودك