حبيبتي قومي وصارحيني !!!!!

**عاشق مملكة تايلاند** · 10-07-2018, 12:12 AM

حبيبتي نامي يا عمري على صدري وصارحيني وفضّ الصّمت بإحساسك، وخلّ الحبّ لي يجري وفضفضي لي بعد عمري، وعاتبيني، وفهّميني أنا أطري على بالك كثر ما أنتي علي تطري تعالي قرّبي من أحضاني، ترى خدّك مواعدني يبي يلامس شغف روحي ويقطف بوحي من شعري تعالي أنثري هنا ليلك، وخلّ ويلك يولّعني أنا أحبّك وأبي قربك، ترى منّي قضى صبري أنا نبضك زهر أرضك، وأنتي إيه تملكني بنحل خصرك، جمّر ثغرك، وزوّد بلونك الخمري تتوّهني تغرّقني، ومن بردك تدثّرني وتبكي لي وتشكي لي، وله قلبك ومن سحري أبي دموعك مع أنفاسك بصدق الودّ تحرقني وأبي عطرك مع سحرك وآهك بالحشا تسري أبي همسك يبعثرني غلا ولمسك يلملمني وأبي عيونك من عيوني تذوب من الولع كثري وأبي عهدك مع وعدك، وأبي كلّك تسلّمني أبي إيدك تسافر بي، وزهر قدّك يلحفني وأهيم بعالمك عاشق جنوني أنتي، وأنتي بي تدري تشوفي الجمر بعيوني، تشوفي الشّوق جنّني أجل تدري مثل ما أدري بأنّك حلمي يا بدري حبيبتي قومي وصارحيني عن إحساسك وعلّميني أنا أطري على بالك كثر ما أنتي علي تطري.