((((( جيتـك اليـوم بحساس )))))

[نسر البوادي]

افتح شبابيك الهوى جيتـك اليـوم بحساس من زود الوله عده ايطيـر

جيتك مثل طفلن له ايـام محـروم
عن حضن امـه بعدتـه المقاديـر

وجيتك مثل عودن له ايام مهمـوم
وده يلاقي باخـر الوقـت تقديـر

وجيتك حضن عاشق وهايم ومغروم
وده يضمك لين تصبح على خيـر

متى تحس ان الهوى شي مقسـوم
من قسمة الخالق على خلقه يصير

ومتى تحس اني لك اطيـح واقـوم
واتعب على شانك واقدرك وآغيـر

لي في هواك احلام وامال وعلـوم
واحزاب واصحاب وقصيد وجماهير

وهموم وافكار وهواجيس وحلـوم
وادروب واخطار وعذاب ومشاوير

وحب وغلا واخلاص ومعاند ولـوم
واحساس واللهام وشعور وتفاكيـر

وصحبة سهر ومقاطعة لذة النـوم
واشواق جياشه وعشَـق وتعابيـر

في ذمتك مابان لـك شـي مكتـوم
من بعد ماصورت الاوضاع تصوير

لاتحسب انك شي عابـر ومعـدوم
وتاريخ حبَك فاق كـل الاساطيـر

كنـي لقيتـك بأغنيـه لأم كلثـوم
وكني قريتك في روايـة شكسبيـر

في كل شي اتخيلك واسمعـك دوم
واتأملك في الوقـت الأول ولآخيـر

من ماضي الأيـام لايومـك اليـوم
وغَلاك عندي ماحصل فيـه تغييـر

وانا لك الله مأقبل البيـع والسـوم
ولا ارضى علي ولاعليك المخاسير

لاْني الوحيد اللي على بحرك يعوم
واللي عرف مرساه في رحلة السير

لحظه حبيبي قبل يسبقنـي النـوم
بضم صَدرك لين تصبح على خيـر

[نوارة الكون]

سلمت يمناك اخوي
اختيار جميل وتواجد اجمل
دمت في حفظ الرحمن ورعايته

[نسر البوادي]

تسلين اختي نواره مرورك العطر اسعدني ياذوووق

[أميرة الروح]

نص رائع جدا
راق لي
يعطيك العافية عالانتقاء
بارك الله فيك
(يستحق ان يتوج بالنجوم)

[نسر البوادي]

تسلمين اختي اميره الروح مرورك الرائع اسعدني ياذوووق
شاكرا لك تزيينك الصفحه بالنجوم الخمس

[جميلة الملامح]

اخي نسر
نص جميل
الله يعطيك العافية

[نـــــــقــــــــاء]

متى تحس ان الهوى شي مقسـوم
من قسمة الخالق على خلقه يصير
.....
نص جميل جدا
يعطيك العافية أخي نسر البوادي

[اطياف السراب]

إنتقآء رائع جدا

شكرا جزيلا لك على جهودك

[نسر البوادي]

تسلمين اختي بقايا روح مرورك العطر اسعدني ياذوووق

[نسر البوادي]

تسلمين اختي ذكرى مرورك العطر اسعدني ياذوووق