((((( البارحــــــــــــــــــــة )))))

[نسر البوادي]

البارحة يوم الجروح إحساس وأنفاسي ضمير
مرت بي الذكرى على بعدك ودنّقت وبكيت

وشلون ما أبكي والمشاعر قيض وعيوني هجير
والقلب ينشدني ليا مني .. تغافلت ونسيت ..!

تعلقمت دنياي وأصبح يآسي لحلمي مصير
ودفنت في ليل الشقا فرحة وبسمة وإنتهيت‎

ماعاد يستوعب جروحي شعر وأحزاني تشير
إني نُفيت وماصدر لي حكم غير إني نُفيت ..!

أستأنفه.؟! وشلون دام الياس لي حسبة عشير
صحيح ما أريده ولكن .. مالي بغيره مبيت

دنيا .. وأنا لي حظ دايم للأمل دربه عسير
ياكثر ماأعدي للفرح.. وأرجع وكني ماعديت ..!

خلاص أبرحل وأترك أحلامي على رف وحصير
هم راس مالي بالزمن واللي من الدنيا خذيت ..!

[أميرة الروح]

نص واختيار جميل
يعطيك العافية عالانتقاء
بارك الله فيك
دمت مميز دوما
(يستحق ان يتوج بالنجوم)

[نسر البوادي]

تسلمين اختي اميره مرورك الرائع اسعدني ياذوووق
شاكرا لك تزيينك الصفحه بالنجوم الخمس

[اطياف السراب]

إنتقآء رائع جدا

شكرا جزيلا لك على جهودك

[رايق البال]

هلا نسر ..
نص جدا جميل ورائع
الف شكر لجهدك واختيارك
طابت مساءاتك ..

[نوارة الكون]

يسلموع الطرح
دمت في حفظ الرحمن

[نسر البوادي]

اطياف السراب تسلم ياذوووق مرورك العطر اسعدني اخي

[نسر البوادي]

يعطيك الف عافيه استاذي مرورك الرائع اسعدني ياذوووق

[نسر البوادي]

نواره تسلمين اختي مرورك العطر اسعدني ياذوووق