((((( معك طعم المسا غير )))))

[نسر البوادي]

معك طعم المسا غير .. و معك حتى السوالف غير
معك يا حلو تقليب المواجع بين كفينك

تبختر بين دقات الخفوق و نشوة التفكير
ترى كل الحياه اصغر من اللي بيني و بينك

احس انك تجي و العشب ينبت و الطيور تطير
و احس ان السحاب يلوح براقه علي يدينك

احس بروعة الدنيا و احس ان الزمان بخير
و احسك للحياة اعذب نداء ما انت بمثل عينك

اشوف الصبح لا شال الشفق هز الظلام عصير
و اشوف الورد يضحك ما بقى الا ينشدك وينك ؟

و اشوف الريح تقبل مستخفه دمها و تغير
تنثر لك شعرك و تنتثر سلة رياحينك

ورا ما ترقص القمرا بقلب خانه التعبير
مثل ما ترقص الالوان في مسرح فساتينك

دخيل انشودة العشق و ذنوب ترفض التكفير
دخيل اخر ربيع مرني في حضن عشرينك

انا اللي نزلك من برجك العاجي و جاك يسير
يمد لك اليمين ولا درى عن لهفة يمينك

و اثرك تشوفني في حلمك اللي في رجا التفسير
على ذاك الحصان الابيض اللي في ميادينك

شعرت بطعم سكينك من اول ما بدا التقدير
تمثنيت العروق و قبل اكبر جرح سكينك

لقيتك قبل ما ابحث عنك في الابراج و التبصير
قريتك قبل اموت بلذة قراءة فناجينك

ابي للناس اسولف بك و اقول اللي يصير يصير
و احسك سالفه لو سولفوها شوهوا زينك

حشا لو تطري الفرقا ما اعدك راعي التقصير
عزاي اني ملكت بوقتها عرش اجمل سنينك

يقولون الزمان اغبر و انا اقول الزمان بخير
ما دام اللي سكن في ناظرك ما طاح من عينك

[أميرة الروح]

حشا لو تطري الفرقا ما عدك راعي التقصير
عزاي إني ملكت بوقتها عرش أجمل سنينك

يقولون الزمان اعبر وأنا اقول إن الزمان بخير
مادام اللي سكن في ناظرك ماطاح من عينك


نص رائع جدا
ابدعت في أنتقائك
بارك الله فيك
(يستحق ان يتوج بالنجوم وقصيدة الأسبوع)

[نسر البوادي]

تسلمين اختي اميره مرورك الرائع اسعدني ياذوووق
شاكرا لك تزيينك الصفحه بالنجوم الخمس

[آسية]

تبختر بين دقات الخفوق و نشوة التفكير
ترى كل الحياه اصغر من اللي بيني و بينك

إختيار موفق وانتقاء رائع جدا جدا
الله يعطيك العافية على الطرح الراقي

[رايق البال]

هلا نسر ..
نص واختيار ولا أروع واجمل
الف شكر لهكذا ابداع وتفاعل جميل
طابت صباحاتك ..

[اطياف السراب]

انتقاء رائع جدا

شكرا جزيلا لك

[مجنونك ما يخونك]

[فجر المزون]

الله روووووووعه اختيار راااااائع

[نوارة الكون]

سلمت يمناك اخوي
دمت في حفظ الرحمن

[نسر البوادي]

يعطيك الف عافيه اختي الليدي بسمه مرورك العطر اسعدني ياذوووق