شفتك بعد غيبه

[هجرس الروح]

شفتك بعد غيبه .. وحاولت احاكيك
مهوب من قلبي ولا من جراته !!

بغيت اقول / فلان وازريت احاكيك
وكني سمعت اسمي مع الألتفاته

فزيت من نومي وانا اقول لبيييك
وآثرك رويا .. في منامي وجاته

صفقت كف .. وقلت يا حلم يشوويك
جددت لي جرح ٍ هنى في مباته

يا اللي شريت البعد .. ما غاب طاريك
حتى لو ان البعد .. سواا سواته

مهوب محزني .. على حاجةٍ فيك
إلا إن قلبي شايف ٍ بك غناته !!

كن الطيوف تقول وشحال غاليك
وآقول راح .. وما بقى الا غلاته

لو ان ما جاني من الهم ياتيك
كان المصلي ما حفظ وش صلاته

مريت شارعكم .. وصادفني آخيك
واللي قطع كبدي .. حلاتك حلاته

بغيت الخبط من دعاياه ,, وادعيك
واسمك وقف بين اللسان ولهاته !!

وبغيت اجيب العيد وآقول : يرضيك
فاللي وصاتي له .. وضيّع وصاته

البعد شيّب خافق ٍ ميت فيك !!
والى مشى خطوه عثر في عصاته

مشكلتي / إن قلبي يحبك ويغليك
ومشكلتك / انك شخص عايش حياته

كثر الجفا .. نار .. وحطبها تغليييك
خف الحطب .. لا تزيد نار الشماته

إن ما احزنك جرح ٍ برجواه يدعيك
ما عاد تفرق .. عيشته من مماته

قلبي وعمري كلها بين اياديك
العمر فدوه .. لكن القلب هاته !!

وإن ما بغيت ترد قلبي ما اوصيك
احسن عزاه .. الى دريت بوفاته

[عملاق الشعر]

هجرس الروح


نص جدا راااائع


سلمت يداك المبدعة وذوقك الراقي

[رايق البال]

هلا فيك هجرس ...
نص واختيار جدا راقي كما تعودنا منك
الف شكر لجهدك واختيارك .. كلك ذوووق
( نص يستحق النجوم الخمس)

[سحابة ممطرة]

سلمت يمنااااااااااك أختي هجرس
يعطيك العاااااافية

[حبي خالص]

هجرس نص جدا رااااائع
يعطيك ربي العافيه ويسلم ذووووقك

[مفآهيم آلخجل]

ذآئقة رآئعة
إنتقآء مميز
كل آلشكر لك!