جابگ الله من غياب ضيق صدور المباني

[حبي خالص]

جابك الله من غياب ٍ ضيّـق صـدور المبانـي..
قبل لا الوحشه تزعزع بيتـك الصلـب وتبيـده..


بيتك اللي من رحلـت وكـل جدرانـه تعانـي..
ماتحمـل ينتظـر شهريـن وعيونـك بعـيـده..


الله العالـم لـو إنـك جيـت متأخـر ثوانـي..
ماتشوف إلا بقايـا مـن حصـاه ومـن حديـده..

من عرفتك وأنت تايه من موانـي لـي موانـي…
وتارك ٍ قلبي مولّـع مـن وقيـده فـي وقيـده..


ضاعـت سنينـي أحـد بهاليالـي وتحـدانـي..
وأنت ماتشبع غيـاب ولاتخـاف مـن النقيـده..


ودي أتحمـد لـك الله بالسلامـه , مامـدانـي..
كل ماتوصـل برحلـه ترجـع برحلـه جديـده..


دام تدري كـل وجـه ٍ غيـر وجـه الله فانـي..
ياخي أكسبلك ثواب وخاف ربـك فـي عبيـده..


كان فينـي عيـب قلي:فينـي العيـب الفلانـي..
كان هرجي مزعلـك فـي شـي قلي:لاتعيـده..


عيب تصغر في عيوني وأنت برقـاب الغوانـي..
كيف تستسهل طعوني وأنت خابرنـي وليـده ؟


لعنبوك أن مت بيدك من يفكك مـن أخوانـي ؟
لحزنوا ربعي على فرقـاي شاللـي تستفيـده ؟


أنت منت اللي عشقته أنت أكيـد انسـان ثانـي..
ليه صرت بهالبـرود وبهالاحاسيـس البليـده ؟


وين حبك للزعـل .ويـن العنـاد الأولانـي ؟
وين حنّية زمـان وفرحـة العمـر الرغيـده ؟


وين ذاك اللي اليا أقبـل مايبـات إلا بمأنـي ؟
وين راح اللي اليا أقفـى مايـروح ألا فقيـده ؟


واحد ٍ مـن جابـه الله بـس يامـر ويعصانـي..
الوحيد اللي أخافه غصب وأمشـي معـه سيـده..


(مابغيت أطيـح بيـده) ليـن ماربـي بلانـي..
ولا أنا لو هي بكيفـي (مابغيـت أطيـح بيـده)..


ذاك بس اللـي يامـن جيتـه يلخبـط كيانـي..
اللـي بنظـره ينشـف دم قلبـي فـي وريـده..


قبل أشوفه أجمع اله أحلى القصايـد والمعانـي..
وأن لقيته ماعرفـت أقـول لـي جملـه مفيـده..


الف مـره قبلـه أعـد القصيـده مـن لسانـي..
ولعنبوه أن جيت عنده قمت أخربـط بالقصيـده..


أمدحه وأنـا أدري أنـه لـو تباطانـي نسانـي..
أنطحه وانا أعرفـه مجنـون وأفكـاره عنيـده..


من يسوي بي سواتك يالرهيـف الاسمرانـي ؟
منهو من الناس غيرك غلطته ترفـع رصيـده ؟


من يقص(جناح طيرك)وأنت أعز أنسان جاني ؟
ليه أخاف(رماح غيرك)وأنت ضرباتك سديده ؟


ان تبعتك .أتبعك مـن طيبـي وواسـع بطانـي..
ولا أنا لاجيـت أكيـد انسـان عـزالله بكيـده..


أقدر أنزع لك ثيابـي وألبـس ثيـاب الأنانـي..
وأقدر أطلع من عذابي والعب بـدورك وأجيـده..


ومستعد أكسب رهاني لو بغيت أكسـب رهانـي..
وأخدعك بحساس كاذب وأتحـدى مـن يصيـده..


أبك أنا لي شفت خلّي حط غيـري فـي مكانـي..
ولله إني لتركه وأن صـد لعشـق سيـد سيـده..


جيت مابيك تحقرني جيت أبيـك تعـز شانـي..
جيت أبي فزعة ظلوعك من مشاعـرك البليـده..


خلني داخل (حدودك) وأجبـر بخاطـر زمانـي..
اكذب بباقي (وعودك) وأصدق بلحظـه سعيـده..


أنتشلني مـن (بـرودك) لـو تولّـع بالمحانـي..
عطني أحساس (بوجودك) وأخذ كل اللي تريـد..


تكفى واليا قلت :تكفى بيـع خلـق الله عشانـي..
لاتضيّع من يدينـي فرصـة العمـر الوحيـده..


يعلم الله شفـت منـك ومـن غيابـك ماكفانـي..
كـان ماتقـدر تخفـف هـم قلبـي !! لاتزيـده..

شف غيابك وش يسـوي بالصـدور وبالمبانـي..
وأنت تدري كيف كانت صدمت غيابـك شديـده..

والله أنك لـو وصلـت البيـت متأخـر ثوانـي..
مالقيت إلا بقايـا مـن حصـاه ومن حديده..

[رايق البال]

هلا فيك حبي خالص ..
نص واختيار لايجيده سواك
الف شكر لجهدك واختيارك .. كلك ذوووق
( نص يستحق النجوم الخمس)

[عملاق الشعر]

كان فينـي عيـب قلي:فينـي العيـب الفلانـي..
كان هرجي مزعلـك فـي شـي قلي:لاتعيـده..


عيب تصغر في عيوني وأنت برقـاب الغوانـي..
كيف تستسهل طعوني وأنت خابرنـي وليـده ؟


لعنبوك أن مت بيدك من يفكك مـن أخوانـي ؟
لحزنوا ربعي على فرقـاي شاللـي تستفيـده ؟


أنت منت اللي عشقته أنت أكيـد انسـان ثانـي..
ليه صرت بهالبـرود وبهالاحاسيـس البليـده ؟

حبي خالص


نص في غاااااااااااية الجمال
وقمة الابداع
نص جدا جدا تروق لي كلماته

سلمت يداك المبدعة وذوقك الراقي

[حبي خالص]

هلا فيك حبي خالص ..
نص واختيار لايجيده سواك
الف شكر لجهدك واختيارك .. كلك ذوووق
( نص يستحق النجوم الخمس)

ما عليك زود استاذي
شكرا لك

[مفآهيم آلخجل]

ذآئقة رآئعة
إنتقآء مميز
كل آلشكر لك!

[أمآني!]

نص جميل جدآً رآق لي
يعطيكك آلعآفيةة لـ ذوقكك آلرآقي ..!

[ابو فرح]

" حبي خالص " يا سلااام
ااااااابداااااااع × اااااابداااااااع
كلك ذوووق

[حبي خالص]

كان فينـي عيـب قلي:فينـي العيـب الفلانـي..
كان هرجي مزعلـك فـي شـي قلي:لاتعيـده..


عيب تصغر في عيوني وأنت برقـاب الغوانـي..
كيف تستسهل طعوني وأنت خابرنـي وليـده ؟


لعنبوك أن مت بيدك من يفكك مـن أخوانـي ؟
لحزنوا ربعي على فرقـاي شاللـي تستفيـده ؟


أنت منت اللي عشقته أنت أكيـد انسـان ثانـي..
ليه صرت بهالبـرود وبهالاحاسيـس البليـده ؟

حبي خالص


نص في غاااااااااااية الجمال
وقمة الابداع
نص جدا جدا تروق لي كلماته

سلمت يداك المبدعة وذوقك الراقي

شكرا لك أخي
هذا من ذوووقك

[حبي خالص]

ذآئقة رآئعة
إنتقآء مميز
كل آلشكر لك!

شكرا لمرور طهر

[حبي خالص]

نص جميل جدآً رآق لي
يعطيكك آلعآفيةة لـ ذوقكك آلرآقي ..!

يسلمووووو للمرور همس