((((( تعبت أعلق أمالي على شماعة سنيني )))))

[نسر البوادي]

تعبت أعلق أمالي على شماعة سنيني

تعبت أقفل لحبي باب ويفتح للحسايف باب
تعبت أجامل النسيان وأقول إنه ينسيني

تعبت أدمح خطأ كذب الظنون وأطلع الكذاب
تعبت أكذب على نفسي وأقول الحظ يخطيني

تعبت أودع الذكرى وأحس بحرقة الأعصاب
تعبت أقفي عن أشواقي ولا تبغى تقفيني

إلين أصبحت ما افرق ما بين الحب والأعجاب
يميني صارت يساري ..يساري صارت يميني

غدت في قلبي الفرحه تشع وتعلن الأضراب
وقلبي مل من جرحه ولابه من يداويني

غدى قلبي مثل طفله بريئه والجروح ألعاب
تبي تلعب إلين أتعب ..تعذبني وتشقيني

غدى مثل العقيم اللي تمنى نعمة الأنجاب
وإذا أطروا له الأنجاب هلت دمعة العيني

وإذا هاذي معاذيرك وهاذي كلها الأسباب
شموخي طالبك يا دمع لا تكسره فيني

أنا رجال ما أحب الدموع اللي على الأحباب
أموت بعزتي أهون ولا حب يبكيني

[ثابت الخطى]

دائما وابدا متميز اخى لاند
ربى يكرمك

[نسر البوادي]

تسلم ياغالي مرورك اسعدني

[نوارة الكون]

غدت في قلبي الفرحه تشع وتعلن الأضراب
وقلبي مل من جرحه ولابه من يداويني

غدى قلبي مثل طفله بريئه والجروح ألعاب
تبي تلعب إلين أتعب ..تعذبني وتشقيني


لا تعليق

[نسر البوادي]

تسلمين نواره مرورك اسعدني كلك ذوووق

[رايق البال]

هلا فيك لاند ...
نص واختيار كالعاده ولا اجمل واروع
الف شكر لجهدك واختيارك .. كلك ذوووق

[عملاق الشعر]

لاند


نص جميل اخي


سلمت يداك المبدعة وذوقك الراقي

[زهرة الأحلام]

.
.


غدى قلبي مثل طفله بريئه والجروح ألعاب
تبي تلعب إلين أتعب ..تعذبني وتشقيني

غدى مثل العقيم اللي تمنى نعمة الأنجاب
وإذا أطروا له الأنجاب هلت دمعة العيني

وإذا هاذي معاذيرك وهاذي كلها الأسباب
شموخي طالبك يا دمع لا تكسره فيني

ذوقٌ جميل
أسعدكـ الرحمن

[نسر البوادي]

تسلم استاذي رايق البال مرورك اسعدني وكلك ذووق

[نسر البوادي]

عملاق تسلم مرورك اسعدني ياذووق