تدري وش سوى غيابك!...}

[أناقة أوجاع]

تدري وش سوى غيابك؟!
موّت غيابك سوالف!..
مايخوفني زماني
بس من فرقاك خايف!..
فجأه أصحى ما أشوفك..
لا تهددني .. ظروفك
اعتبرني .. حلم واقع
وإلا ظل ما يطوفك
ظامي عطشان .. جيتك
لا يعشمني سرابك!..
تسمح بكلمة ؟! بغيتك
قبل لا تبدي غيابك!..



وش معنى غيابك ؟
يعني :
أسوء شي شفته طول عمري !!

تبدي ضحكاتي هلا بك
وفي وداعك
ماينام الجرح بدري

وإنت كيفك
شوف وش ناوي عليه

هاك قلبي وهاك سيفك
وسو فيني اللي تبيه !

لاتحاتي
صفح بكيفك جروحي

وإشطب آمالي وطموحي
وإعتبر قلبي كتابك !!





تدري وش حطم غيابك
مركب بداخل شعوري

من نسى قلبك حضوره
قلبي ماواجه / شعوره

عندي مابه شي ضروري
فاقد إحساس الأماني
لا مراسي لا مواني

وصارت الدنيا / قسى !!
وصار دوري ..
أعشق أنواع الأرق ..
وألفظ أنفاس الغرق
وصوت معناه الخطر
وقلب ميت / يحتضر

من غيابك السلامه
فيها قلبي مارسى
لاصباحي هو صباحي
ولامسا قلبي / مسا

ياحبيبي في .. غيابك
إختلف شكلي ولوني
صرت أنا إنسان / ثاني
والسهر تعب عيوني

والسؤال اللي ذبحني :
صدق أهو فعلا" نسى ؟
راح وأهداني الأسى !
وماوصلت إلا لحقيقه :
الجفا أسهل طريقه
للقسى !..



تدري لوينطق غيابك ؟
بس أبسأل وين كنت ؟
ووين رحت بغيبتي ؟
وبسأله عن وضع قلبك !
هنت عنده أو ماهنت ؟

ياللي من غيرك حياتي /
مالها داعي ومعنى !
صار قلبي مايحاتي :
بعد ماتخليت عنه !

إيه كل الناس عندي
بس مابيهم بدونك !!..
تدري ياعمري بأنك ..
عندي كل الناس إنت !
ومهما تجرحني / مسامح
وكل طعناتي / عوافي
عشت وافي لدنيتك
وبموت وافي ..

[حبي خالص]

أناقه انتقاء جميل
يعطيك ربي العافيه وكلك ذوووق

[الشيخه الفلانيه]

الله الله '
نص جميل. ؛
راق لي طرحگ !
يعطيك العافيه '

[عملاق الشعر]

اناقة


نص في قمة الجمال
وانتقاااااء راااقي جدا


سلمت يداك المبدعة وذوقك الراقي

[اهلي ملاذي]

نص جدآا جميل ومميز
آلف شكر لآنتقآئكك آلذووق
خآالص آحتراآمي$