طيري في سما صـدرك يرفرفلـك بجنحانـه

[عطر الاحساس]

على رعشة ظما جيتك أبي نظره على حالي

أبيك تشوف محبوبك كيف إن القـدر خانه


أجيك وكلي ياصغري وقلب من الكبر خالي
وأحـاول قـد ما أقـدر أدور للرضـا خـانـه


انا لو قلت انا أحبـك وحبـك مشغـلٍِ بالي
تصفق لي عروق القلب تغني لي على ألحانه

اخاف اطيح من عينك بعد ماكنت انـا غالي
اخاف اكون ذاك اللـي فقـد ربعـه وخلانه

اخاف أني أصوّت لك واصيح بصوتي العالي
واخاف أنك تجاهلني وتنكر قلبي واعلانه

انا وشلون أسولف لك وأعبر لك عن احوالي
عطني فرصه وازهلها أخلـي الدنيـا رويانه

قلوبٍ ترتجي وصلي وانا أكبر منها بوصالي
أبيع قلوب حبتني وكـل هذا علـى شانـه

انادي له حبيب الروح تعـال وخلك قبالي
تعال وكلي سميتـك عقـد لولـو ومرجاـه

تعال وننسى دنيانا ونسكن برجنا العالي
ونكتب للحزن فارق ماعـاد لدمعتك خانه

حبيبي لـو تناسيتـك أمانه منهو يبقالي
بشر ماهمهم قلبـي بشـر والدنيا خوّانه

هذاك بيفرح لموتـي وذاك بيشمـت بحالي
قلوبٍ ماتعرف الحب على هالدنيا غلطانه

حبيبي لو بغيت الموت أبيك تكـون قتّالي
بشرع الحب انا مسامح أذا هالدنيا زعلانه

ولو ماودك بموتي أكـون بسجنـك أحلالي
سجينك من وه يناديلك ياسجّانه

أحبك يالغـلا دامـ بقلـبي الأول التـالـي
طيري في سما صـدرك يرفرفلـك بجنحانـه

أبيك تعيشني قصة قبـل موتـي وترحالي
قبل لايندفن شوقـي مدام كفوفي عطشانه

حبيبي طالبك طلبـه اذا وصلـك تهيّا لي
ترا عمر الزمن جافي ولو ضمتني أحضانه

أبيك تضمني حتى تشوف أنـه هـدا بالي
وأذا حسيت في روحي تراها حيـل ولهانه

أبي أغفى على ثغرك وأذوب بريقك الحالي
وأذا صحتني مزونك تراها الـروح سكرانه

أبي أقهر قلوب البعض ومنها قلوب عذّالي
أبي أدبل كبود اللـي بغت حزني وعنوانه

أبي لامنهم دروا عنك ترفع حاجبك عالي
رجيتك أسكت وطالع هذولا ناس مرضانه

فديت حجاجك ورمشك فديت الطيّب الغالي
فديت أسمك إذا أسمك اهـو قافي وعنوانه

[الشيخه الفلانيه]

نص جميل. ؛
راق لي طرحگ !
يعطيك العافيه '

[حبي خالص]

عطر نص جدا جدا رااااااااائع
يعطيك ربي العافيه ويسلم ذوووووووقك

[رايق البال]

هلا فيك عطر ..
نص واختيار ولا اجمل واحييك عليه
الف شكر لجهدك واختيارك وتفاعلك الرائع .. كلك ذوووق
( نص يستحق النجوم الخمس)