ينام الصوت في حضن المكان ...وهاجسي يفطن..}•°~`

[حبك وطن]

ينام الصوت في حضن المكان .. وهاجسي يفطن
.................. وتطفى شمعة (ن) كانت تسولف لي .. عن أوراقي

وأحس إن المساء .. وصّى النجوم بسجتي يطفن
.................. لأجل أبقى أنا .. والذاكره .. والجرح .. وأعماقي

هنا .. في هالمكان اللي جمعنا من سنين أقفـن
.................. على مشهد صبية .. خِيّرت وإختـارت إفراقـي


وأنا داري بألاعيب المساء لا شافنـي بأحـزن
.................. يرتبلـي مكـان لدمعتيـن .. ويتـرك الباقـي

يعرف إني كذا .. ماعادني في هالمكان أصـلا (ن)
.................. أنا راجع .. لـذيك اللحظة اللي جمـدت ساقـي

أناظر بالوداع .. ولا معي غير القهـر والـّون
.................. وكف(ن) لوحتلي من بعيـد .. وخافـق(ن) شاقـي

أنا أذكر .. كنت ساكت وقتها لين الهبايب جـن
.................. تفتن عن حكي خطواتهـا .. وتضيـق أخلاقـي

إلين أثقل على كتفي همومي .. وإرتكيت الظـن
.................. لعل اللي وطت ورد الغرام .. تـروف بالساقـي

ولا بانت علـى ذيـك الملامـح باينـة أبـد(ن)
.................. سرت مني هناك وجفّلـت مـن كـان يشتاقـي

وهذاني .. بعد مامرت سنين أتذكره .. وأغبـن
.................. كأن الجرح أمس .. وملمسـه مـازال حراقـي

وكأن الصوت فارقني هنا .. كل مابغيت أحـزن
.................. وخلالي مساء وصّى المكـان يفتـش اعماقـي..

[رايق البال]

هلا فيك حبك ..
الله الله الله عليك الله كم تروق لي ذائقتك الراقيه واختياراتك
الف شكر لهكذا ذائقه وانتقاء جميل ورائع .. كلك ذوووق
( نص يستحق التثبيت والنجوم الخمس)

[روح الحلا1]

انتقاء مميز
تسلمين حبك وربي يعطيك العافية

[عملاق الشعر]

حبك وطن


نص في قمة الجمال
وانتقاء راائع كما تعودنا منك دائماا



سلمت يداك المبدعة وذوقك الراقي

[أمآني!]

نص رآئعع جدآ
كل آلششكر لك عزيزتي ع ذوقكك آلرآقي ~

[حبك وطن]

يسلموووو للمرور الجميل
نورتوا ~•○●

[ثائــــر]

تمر علينا قصائد قليلة الإبداع كثيرة الحشو

ولكن هذه القصيدة الرائعة كل بيت يحمل بين طياته قصيدة كاملة

[حبك وطن]

تسلم اخوووي من ذووقك
جزيل الشكرلك ~°•

[حبي خالص]

حبك نص ولا أروع
كعادتك مبدعه عزيزتي
دمتي برقي

[حبك وطن]

اهلا فيك الغلا
نورتي من ذوووقك ياورد ~°•