رد مع اقتباس
مساكم الله بكل خير
يا لهوي شوو مستوي هنيه :
من بعد صلاه المغرب انا ادور
يعنبوه وين المدونتي الغاليه رفيقت درووبي وخطاايي +_+
جلست احوووس بالمنتدى واخر شي طاحت عيني على شي اسمه مال الاستفسارات رحت ابحث عن الورقه الضائعه من الشجره ^ـ^ ما حصلت غير زهوور مسويه هجوووم للزعيم عسب سالفه المدونات عااد هوو قال نسوي حركه انا طبقت يالي قاله لوأني ما داخله المزاج لكن شو نسوي ^ـ
اصلا المفروض مدونتي تكون موجوده اوو ردي لكن ما شي حل غير لززم نخبر الشيخ بالسالفه
...
خل نكتب تدوينه اليوم
...
الاحد ..الأحــــــــــــــد .. الأحــــــــــــــــــــــــــــــــد (( انا كيه اول يوم من كل اسبوع ما استوعب ابد على بالي بعده ويكند))
يعني من الصبح تجهزي و سري المدرسه و هالقصة الكئيبه
المهم اليوم الجدول خاايس بكل ما تحمله الجمله من معني
حصيتن ماث و2 انجلش بعده الماث بنقبله 2
بس الانجلس ما اقول غير الله المستعان نحن حصه وحده ما ننقناها
عااد حصتين يجيب الله المطر ...
في حصه الدين مت رقااد بعدني اول الناس يعني فيس تو فيس مع الابله ..
اخر شي قالت فلانه (انا *،*) قومي زقري الممرضه
(انا جلست اطلعها ا واطالع ربيعتي وربيعتي مايته من الضحك علي )
اعوذ بالله ستهدي يا بنت الحلال انا ما ممريضه بس النوم سلطان >>
( على بالي بزقرها حلي اخر شي طلعت في بنت وحليلها مريضه )
المهم روحت غرفه النيرس ويقالكم ما احصلها عااد سويت حاله الطواري في المدعسه
كل ما اشووف ابله اسئلها وين الممرضه تقولي في الغرفه الفلانيه
اروح وما احصلها اخر شي شافتني المديره وقالت شوو تدوي استثنائيه عاد خبرتها خبرتني انها في المختبر عاد واصله المختبر وانا خلاص منتهيه...
خبرتها وجت معي ويوم وصلنا الكلاس احصل البنات جالسات يسحبل البنيه
وحليلها تعبت من كثر من تترجاني واخر شي انغما عليها O-o.. المهم وصلنها غرفه الممرضه وكملنا الدرس ^ـ^
في الحصه الاخيره كان علينا عربي وعااد درس بلاغه المسند والمسند إليه يقالكم اوونه انا اول 10 دقائق شاده حيلي واخر شي سلمت عليهم ما قدرت خلاص نفذت الطاقه مني ... جلست اطالع الابله واطالع الساعه واشرب ماي واتريا الجلس يدق ^ـ^ ( وتحلوا الحياه ) واخر شي دق الجلس وسيده تحت ^ـ^
ياخي كان اليوم طويييييييييييييييييييييييييل و مب طايع يخلص
والله صدق ما حسيتو انه اليوم طويل ؟؟؟؟ هيه انتوا ترا جالسه اكلمكم ما حسيتوا انه اليوم طويل *،*
و جي السالفه،
احس تدوينتي فيها كمية غزيره من حرطمه واكتئان
بس مشي الحال يمكن تدعون و تذكرون انها مستجابة و لكم بالمثل
صح ؟
انزين قولوا جزاها الله خير وحليلها مسكينه عاادي تراه ^ـ^
و جي
بس خلص يومنا
خنكمل المذاكرة
الباقي بس الدين وهذا وطني
في حفظ الله ....
المشاركة الأصلية كتبت بواسطة استــثنائية
