ضميآن عطف ... وصدّة آلغيم شينه

[عطر الاحساس]

ضميآن عطف ... وصدّة آلغيم شينه


هالليل : لمّة عاشقين ، وأغاني







............. وآمآل ... ترقى للسما ... في سكينه




ووجه الطريق إيذمّ سُمر المباني


............. تاهت مع الظلمه ... خُطى عابرينه ؟




جيتك مواجع في قصيدة عماني


............. وارث .. مخاف الله .... من والدينه !




تعبث به إيدين الزمان : الأناني


............. وياما عتق في الثلث الآخر ... يدينه !




أذكر حنين أمي لِ صوت الأواني


............. ودلالنا : الصُفر / الصغار / الحزينه ،




ماكنها الا صُبح عيد .. وتهاني


............. شابت وطاح بتربة الصدر ... تينه !




قلت أعبر حدود الشقا / للأماني


............. وأقطف لها من بهجتي ... ياسمينه !




كنت الفقير .. المغتني بالمعاني


............. طفلٍ غرس في روض شكّه | يقينه !




هذا البلد : نورس حزين ومواني


............. فيه الغلابى ... يحتسون ... الغــبـينه !




ماقسى من إنك لجل عينه | تعاني


............. غير الغرق وأقصى طموحك ( سفينه )




يابن الغياب إللي يدكّ .. المحاني


............. كم قلت : برد الشوق ... ديني ودينه




عطني من سنين المحبه .. ثواني


............. البعد جوع ... وقوت صبري عجينه !




شفني حديث الناس قاصي وداني


............. شاعر : نسى يطفي ... سجاير حنينه !




قلبه دلو واضلاع صدره | سواني


............. وجروحه الما ... والنخل رمش عينه !




لو قيل جاني قول : من صار جاني


............. هي : سطوة الدنيا / رحيلك / سنينه ؟




بعدك وحيد وغصن بلواي .. داني


............. ضميان عطف ... وصدّة الغيم شينه !




طل الشتا ولاجيتني ... وطل ثاني


............. وانا اخفي اوراق الأمل في [ خزينه ] !




لا الصبح قادر ياخذك لي عشاني


............. ولا الدرب لك : بستان من قمح وطينه




قلي : إذا مني [ برودك ] خذاني ..


............. كيف الدفى يطرق ... بيوت المدينه ؟

[حبي خالص]

نص جميل عطر
كلك ذووووق عزيزتي

[زهرة الأحلام]

.
.



عطر ..
كلماآت جميلةة / ذوقٌ راآقي
اسعدكـ الرحمن ~

[الشيخه الفلانيه]

،



قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[رايق البال]

هلا فيك عطر ..
اختيار ونص ولا اجمل الله عليك الله
الف شكر لجهدك واختيارك وتفاعلك الجميل .. كلك ذووق
( نص يستحق النجوم الخمس)