رفعــت كفـي ماقــدرت ارفـع الصـوت

[عطر الاحساس]

رفعت كفي .. ماقدرت ارفـع الصـوت
لو كـان فالخاطـر .. كـلام ٍ كتمتـه

لحظه وداع / وكنهـا سكـرة المـوت
ضاع الطريق .. اللي من اول رسمتـه

ضاع الطريق وصرت في الدرب مبهوت
مدري وش اللي فاتني مـا اغتنمتـه

العمر مرّ .. وراح مع فايـت الفـوت
صحيح ضعت .. وضاع حلـم ٍ حلمتـه

الا انت ياللي قربـك لروحـي القـوت
لو غبت / يبقى وسمك اللـي وسمتـه

يبقى كما نقش ٍ على الصخر منحـوت
حفظتـه .. بشكلـه ولونـه وسمتّـه

مهما الفراق اوجـاع والبعـد ممقـوت
اصبح مصير ٍ من غـلاك / احترمتـه

دمع النصر لو طاح من ( عين جالوت )
( عين العقل ) دمع ٍ تكنّـه / حشمتـه

ذخرت لك يافرحـة العمـر .. تابـوت
فيـه الغـرام اللـي بديتـه / ختمتـه

يبقى الغصن لو مابقى فالغصـن تـوت
تحـرك انسـام الذعاذيـع .. صمتـه

سكّت .. وانا مـن موادعـك مكبـوت
شي ٍ تجاهلتـه .. وشـي ٍ فهمتـه !

حبل الرجاء من جور الايـام مفلـوت
ياليت قلبـي عـن غرامـك عصمتـه

ياما .. بنيت بيـوت وبيـوت وبيـوت
اليوم .. كـم بيـت ٍ بنيتـه .. هدمتـه

[الشيخه الفلانيه]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[مجنونك ما يخونك]

[رايق البال]

هلا فيك عطر ..
لا جديد تميزك وابداعك في اختيار المفرده الراقيه
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

[زهرة الأحلام]

.
.



عطر ..
كلماآت جميلةة / ذوقٌ راآقي
اسعدكـ الرحمن ~

[حبي خالص]

انتقاء جميل عطر
يسلم ذووووقك