قلوب مهجوره

[مجنونك ما يخونك]

صباح الخير يا غايب عن عيوني كثر ماغليك

صباح الغصن واطياره ربيع وارض ممطوره

صباح الخير كثر ما هجرتني وانا ابيك

صباح(ن) ما يليـــــــــق الا بطلتك وحظوره

صباح الجوري اللي ذبل من تجـــافيك

فقد لونه على هجرك فقد روعة عطوره

صحيت اليوم من نومي وفجأه مرني طاريك

وعلى الذكرى جلست ابكي حزين وفاقد شعوره

تذكرت الزمان اللي رحل يومه جمعني فيك

وليال الصيف والنسمه وقمرها ساطع(ن) نوره

وهبتك خافق(ن) ينبض على حبك تغذى فيك

وضميتك بوجداني مثل برواز للصوره

حرمت عيون لعيونك لجل حب(ن)خدعني فيك

وعطيتك عالمي كله ورضيت امرك ودستوره

حسبت اني وسط قلبك تمناني مثل ماغليك

ونسيت انك وهم كاذب غيابه يشبه حظوره

تطمن عشت من بعدك ولاني بالهوى راجيك

شموخي وعزتي ترفض انادي قلوب مهجوره


..... هذه الابيات من اغلى قصايدي واتمنى ان تنول اعجابكم ورضاكم ...... وسلامتكم

[رايق البال]

هلا فيك مجنونك ..
كم انتي رائعه فيما تنتقيه من عذب الكلام
الف شكر لجهدك واختيارك وتفاعلك الجميل .. كلك ذووق
( نص يستحق النجوم الخمس)

[مجنونك ما يخونك]

هلا فيك مجنونك ..
كم انتي رائعه فيما تنتقيه من عذب الكلام
الف شكر لجهدك واختيارك وتفاعلك الجميل .. كلك ذووق
( نص يستحق النجوم الخمس)

تسلم استاذي عالمرور العطررررر منور والله

[حبك وطن]

صح لسان قائلها وسلمت يمناًك ..
يعطيك العافيه وبإنتظار جديدك ..
ألف شكر ,,,,

[مجنونك ما يخونك]

[نوارة الكون]

سلمت يمناج يالغلا انتقاء متميز
دمتي في حفظ الرحمن

[مجنونك ما يخونك]

سلمت يمناج يالغلا انتقاء متميز
دمتي في حفظ الرحمن

[بقايا طيف]

الشكر الجزيل للاختيار الجميل
والذائقة الرائعة

دمت وسلمت

[الرميثي]

نص رائع
يسلموووو اختي ع الكلمات الراائعه ..
يعطيك العاافيه