((((( والله قهرْ كلٍّ يشوفهْ )))))

[نسر البوادي]

والله قهرْ كلٍّ يشوفهْ ويلقاه
إلا أنا عَيَّا عليْ لا أشوفه

حتى ولا اْخـْفـِيْكُمْ إذا جيتْ أبنساه
أتعبْ لأني بسْ أناظرْ طيوفه

يعني تبون الجد احترتْ وياه
عجزت أحدّدْ في خيالي وصوفه

لكنْ عرفتْ إنـّه قليلين شرواه
لجل إنْ لون الثلجْ يشبهْ لجوفه

سبحان من بالدِّيْنْ كمَّل حلاياه
نفسه على الخيرات دايمْ شغوفة

هرجه عسل والطيب يملا حناياه
سَهْلَ التعامل ما بْطبعه كلوفه

راعي وفا يـِتـْعِبْ سواه بْسواياه
والجود ودّه ما يفارقْ كفوفه

إيه أكتب الأبياتْ له وأتمنـّاه
وأبياتْ شعري كلها له لـُهوفـَة

وإن جيت للفصحى فالاْلفاظ تفداه
لكن بـَسـَطـّرْ بيتْ واحدْ واَحُوفه

لا تـَضْجَرُوا إنْ قـُلْتُ : ما الحُبُّ لَوْلاه
فـَالحُبُّ شِعْرٌ ، وَهُوَ فِيْهِ حُرُوْفـَه

يبقى غلاهْ اللي بْقلبي تـَعَلاه
بالرّغـْمْ منْ صَدّهْ وكـَثـْرَةْ ظروفه .

ويْحـِقْ لهْ لو هو تغـَـلّى بلقياه
لكن صراحة : قهر ودي أشوفه

[رايق البال]

هلا فيك لاند ..
اختيار ونص جدا رائع وراقي كما تعودنا منك
الف شكر لجهدك واختيارك وتفاعلك الجميل
طابت صباحاتك ..
( نص يستحق النجوم الخمس)

[نسر البوادي]

وصباحك اطيب استاذي رايق البال
تسلم على مرورك الرائع سررت به جدا وشكرا لتزيينك الصفحه بالنجوم الخمس
ويعطيك الف عافيه ياذوووق

[حبي خالص]

الله الله عليك لاند
اختيار جميل راق بشده
يسلم ذوقك الراقي

[نسر البوادي]

تسلمين اختي حبي خالص على مرورك الرائع وكلك ذوووق

[وآرف ❤️]

".ّ~
.
.
.
لاند
قصيدة جميلة جدا ..
^ كل الشكر لذائقتك الراقيه
^ طاب مسائك ✨؛

[نوارة الكون]

سلمت يمناك اخوي
انتقاء جميل وتواجد اجمل
دمت في حفظ الرحمن ورعايته

[نسر البوادي]

فزه تسلمين ياذوووق على مرورك الرائع

[نسر البوادي]

نواره تسلمين ياذوووق على مرورك الرائع

[الشيخه الفلانيه]

،







قصيده جميله ;
كُل آلششكرْ عَ آلأنتِقآء
يعطيكِ آلله آلععآفيهً !