شــوق

[نوارة الكون]

شــوق



تجيني طيف يا عمري.. على جنحان شوقـي لـك
اخاف ارمش من عيوني..! وابعثر جيت وصالـك
...
حبيبي لا تجيني قول.. وين انت؟ وانا اجـي لـك
ابيك تقول وين انت.. وعلى عيوني انا اسعى لـك
...
وربي فوق روس الشوك.. لا اخلي القلب يمشي لك
واخلي ظلالي يسبقنـي.. قبـل يحضنـي منزالـك
...
ثواني بس.. ابتهندم.. من عيونـك وابهـدي لـك
في عينـك ضحكـةٍ حتـى تكحـل عيـن عذالـك
...
يقولوا الناس: بغيابي تشب القلـب ويضـوي لـك
حنيني ومن وهج شوقه.. يميـل القلـب لا مالـك
...
قضى دمعي من عيوني.. ابي من عينك ابكي لـك
ابنثر من ورا عيوني.. دمـوع عيـون ترحالـك
...
تعبت اهرب من الاشيا البسيطـه مـن تفاصيلـك
تعبت اسأل زوايا البيت.. عن اول واخر احوالـك
...
وحتى الشوق من صبح الدرايش قام يهـدي لـك
عصافير الرضى ترفـرف علـى بيبـان مدخالـك
...
هنا ترمي صباح الخير.. قبل لا تروح وادعي لـك
وهنا تضوي مساء الخير.. في عيني مـن هلالـك
...
انا من الليل يقطفني.. شعوري لـك واغنـي لـك
انا من الصبح يليّلني الحزن.. مـن لـون موالـك
...
حرام الليل ماهو ليل..! اذا مـا كنـت فـي ليلـك
وحرام الصبح ماهو صبح..! اذا ما كنـت فظلالـك
...
تروح وقلت: احط روحي.. علـى كفـي واناديلـك
نزعت العمر مـن شفـت الغـلا بالـروح نادالـك
...
بربك قول: وش سوى الفـراق بوجـه منديلـك؟؟
تسيل الوان طيفي فيـه الـى مـن البكـا سالـك
...
حبيبـي لا يبكيـك الفـراق ولا يـهـد حيـلـك
اخاف الدمع من عينك يجفف صورتـي ببالـك..!
...
تعال احتاج اسولف لك عـن الايـام واشكـي لـك
وافض غيم الحزن وانثر حنيـن الشـوق بقبالـك
...
تعال وحـط فـي قلبـي همـوم الفرقـا واشيلـك
لان القلب ماهو قلب اذا فـي نبضـه مـا شالـك
...
وقف دمعي من عيوني.. ابي من عينك ابكي لـك
اخاف ابكي من عيوني..! وابعثر جيت وصالـك

[نسر البوادي]

تجيني طيف يا عمري.. على جنحان شوقـي لـك
اخاف ارمش من عيوني..! وابعثر جيت وصالـك

ياسلام لاتعليق اختي دائما الروعه حليفه صفحتك تسلمين ياذوووق
حضور لاننحرم منه

[روح الحلا1]

نص جميل جدا
تسلمين نوارة وربي يعطيك العافية..

[حبي خالص]

نواره .. اختيار رااائع
يسلم ذوقك الراقي عزيزتي

" نص يستحق النجوم الخمس "

[نوارة الكون]

تجيني طيف يا عمري.. على جنحان شوقـي لـك
اخاف ارمش من عيوني..! وابعثر جيت وصالـك

ياسلام لاتعليق اختي دائما الروعه حليفه صفحتك تسلمين ياذوووق
حضور لاننحرم منه

كل الشكر لك اخي اسعدني مرورك


ربي يعطيك العافيه

[نوارة الكون]

نص جميل جدا
تسلمين نوارة وربي يعطيك العافية..

كل الشكر لج غاليتي اسعدني مرورج


ربي يعطيج العافيه

[نوارة الكون]

نواره .. اختيار رااائع
يسلم ذوقك الراقي عزيزتي

" نص يستحق النجوم الخمس "

كل الشكر لج غاليتي اسعدني مرورج


ربي يعطيج العافيه

[العود الازرق]

قصيده رائعه و انتقاء مميز ...

[الشيخه الفلانيه]

،







قصيدهه جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[جلنااااار]

قمه فالروعه اختي نواره تسلم يمينك .. الله يعطيك العافيه