قصيدة جند ابليس ماصرت اميز بينهم

[نوارة الكون]

قصيدة جند ابليس ماصرت اميز بينهم



ما صِرْت أميّز بين صادق وكذّاب
ما عِدْت أميّز من حبيبي وْعدوّي
الاحباب في عيني غدو اليوم أغراب
واغرَب غريبٍ في الشتا صار ضوّي
واللي أودّه صار يطعنّي بْناب
لاجل يْتسلَّق يصعد لْفوق .. يَضْوي
ما همّته صِحْبَه ولا وِدّ وعْتاب
المصلحه أعْمَتْه وْلا طاق جَوّي
أصبحت لازم أنتمي لْجَمْع .. لِذْياب
عَشَان أسايِرْهم واسايِس واسَوِّي
هَذُوله اللي سْلاحهم كِذْب وانياب
مكايِد وْحِفَر واساليب تغوي
في غيبتك خصْمِك وفي وجودك اصحاب
بس لا طلَعْت اصبحت محكاي.. مَرْوي
كنْت دايمٍ للخَيْر داعي وطَلاّب
وانشِد دروب النور واعزِم وأنوي
لكنْ صَدمْني من شريعتهم الغاب
بَعْض اصدقائي كانوا ذْياب تَعْوي
خلّوني اسأل نفسي وآشِكّ وارتاب
وانا بعَدْني فـْ عَالَم الشِرّ.. تَوّي!
أترَفّع إنّي أحكي الـ.. صار واغتاب
باخلّي الايام تحكي وتروي
قصّه من اللي ظنّ نفسِه ف مِحْراب
ظنّ انّ كل الناس عَ الخير تنوي
وتبيّن ان ابليس له ناس واحباب
مْجَنّد اعوانه وكَمْ قال سوّي
بالَمْلِم اوراقي وباسكِّر الباب
ويبقى ورا هالباب مجهول ..مطوي!

[نسر البوادي]

ياسلام عليك مبدعتنا ابيات والاروع يعطيك الف عافيه ياذوووق

[رايق البال]

هلا فيك نواره ..
نص واختيار ولا اروع كما تعودنا منك
الف شكر لجهدك واختيارك وتفاعلك الجميل
طابت صباحاتك ..

[زهرة الأحلام]

.
.


غاليتي / نوارة ..
كلماآتٌ جميلة ، ذوقٌ راآقي !
اسعدكـ الرحمن !

[نوارة الكون]

ياسلام عليك مبدعتنا ابيات والاروع يعطيك الف عافيه ياذوووق

كل الشكر لك اخوي اسعدني مرورك


ربي يعطيك العافيه

[نوارة الكون]

هلا فيك نواره ..
نص واختيار ولا اروع كما تعودنا منك
الف شكر لجهدك واختيارك وتفاعلك الجميل
طابت صباحاتك ..

كل الشكر لك اخوي اسعدني مرورك


ربي يعطيك العافيه

[نوارة الكون]

كل الشكر لج غاليتي اسعدني مرورج


ربي يعطيج العافيه

[الشيخه الفلانيه]

قصيده جميله
كل الشكر على الأنتقاء
يعطيك الله العافيه '

[الشيخه الفلانيه]

قصيده جميله
كل الشكر على الأنتقاء
يعطيك الله العافيه '

[الــنور]

قصيده جميله .... يعطيك الله العافيه