عرش الغلا

[صدى صوت]

عرش الغلا .. قدره على قدر راعيٌه
و الا العروش الخاويات .. أمخلوفه!!


شيءٍ يجي منٌه و بأحسان .. ما أبيٌه
و الله لو نفسي لملكه .. شغوفه


الله يصد العبد عنٌه .. و يعطيٌه
عقلٍ يشوف .. و نفس بيضاء .. عطوفه


أنشد .. و أنا اجاوبك .. يا ( لا ) يا ( أيٌه )
يا زينها بين الثنين .. أمحفوفه


مافيٌه داعي تكشف العلم .. و أخفيٌه
مثلي .. يطابق هرج قلبه حروفه


وش حيلتك؟ لا صار لك شخص تغليٌه
تطيح طيحاته .. و تاقف وقوفه


تشتاق لعلومه .. و تضما حكاويٌه
و أن مر طيفه .. رحت تذبح خروفه


و وش حيلتك ؟ لا صار بايعك شاريٌه
قلبك .. و شاري منزله مع ضيوفه


شفني مغير أجيب ذكره و أوديٌه
و لرضاه أسوي كل ليله .. ( بروفه )


لين أنتهى .. و القوس في كف باريٌه
راحت طيوفه .. تشتبك مع طيوفه


و انا الين اموت .. باقي مواليٌه
لو تكثر أحزابه .. و تكثر أحلوفه


خله يروح .. و ينجرح صدر مغليٌه
مسموح .. و لحون الوداع أمعزوفه


مانيب قايل في غيابه ترى فيٌه
بأقول حكمه .. من زماااان معروفه


(أحدٍ كفيف .. و عين قلبه تقديٌه
و أحدٍ يشوف .. و لا يقديٌه شوفه)

[نسر البوادي]

صدى صوت ابداااع مستمر يعطيك الف عافيه ياذوووق

[رايق البال]

هلا فيك صدى ..
نص جدا راقي وعذب كما تعودنا منك
الف شكر لجهدك واختيارك وتفاعلك الجميل
طابت مساءاتك ..
( نص يستحق النجوم الخمس)

[نوارة الكون]

سلمت يمناك اخي
انتقاء جميل وتواجد اجمل
دمت في حفظ الرحمن ورعايته

[صدى صوت]

صدى صوت ابداااع مستمر يعطيك الف عافيه ياذوووق

شكرا جزيلا اخي العزيز نسر البوادي على مرورك اللطيف

[صدى صوت]

هلا فيك صدى ..
نص جدا راقي وعذب كما تعودنا منك
الف شكر لجهدك واختيارك وتفاعلك الجميل
طابت مساءاتك ..
( نص يستحق النجوم الخمس)

الف شكر لمرورك الجميل اخي رايق

[صدى صوت]

سلمت يمناك اخي
انتقاء جميل وتواجد اجمل
دمت في حفظ الرحمن ورعايته

الله يسلمك استاذه نوارة شرفتيني بمرورك