قالوا حبيبك يسمع الشعر قلت أيه يقراه بعيوني قبل تسمعونه

[اموووره]

قالوا حبيبك يسمع الشعر قلت أيه
يقـراه بعيونـي قبـل تسمعونـه

لولاه حتى طاري الشعر ما ابيـه
مير أكتبه من شان خاطر عيونـه

هو روح شعري وأمنياته وماضيه
جذع الشجر وش كان لولا غصونه

اكتب لغيره والقصايد تجـي فيـه
كن القصايد حالفـه مـا تخونـه

هذاك لا منه زعل قمـت أهاديـه
حتى وهو مخطي تعـذرت دونـه

يمكن لو أنه يلمس الجرح بيديـه
يستغرب ان اللي لمسهـا طعونـه

ابطى وهو غايب وزلت حراويـه
وأنا من العـام آتحـرى مزونـه

هو مادرى اني في غيابه محاتيـه
ليته نشد عن حالي اللـي يجونـه

وا قلبي اللي توه أفلـت عراويـه
كيف انسرق وضلوع قلبي حصونه

عجزت أرده كان مانـي براعيـه
يوم انتثر شوقه وهاضت شجونـه

يبسن عروقي لكن اللـي يعزيـه
ان اكثـر العالـم تـردد لحونـه

خافو من الله لا تجيبـون طاريـه
لا صرت أنا موجـود لا تذكرونـه

لو كـل غالـي جابـه الله لغاليـه
ما شفت لك مخلوق تبكي عيونـه

[أميرة الروح]

قصيدة رائعة جدا أمورة
يعطيك العافية عالانتقاء رائع

[حبي خالص]

قالوا حبيبك يسمع الشعر قلت أيه


أجل بختك
قصيده جميله عزيزتي
يعطيك الله العافيه وكلك ذووق

" نص يستحق النجوم الخمس "

[الشيخه الفلانيه]

،



قصيده جميله
كُل آلششكرْ عَ آلأنتِقآء
يعطيكِ آلله آلععآفيهً !

[رايق البال]

هلا فيك عميدة الرواق ..
نص واختيار ولا اروع كما تعودنا منك
الف شكر لجهدك واختيارك وتفاعلك الجميل
طابت مساءاتك ..

[نوارة الكون]

سلمت يمناج اختي
انتقاء جميل وتواجد اجمل
دمتي في حفظ الرحمن ورعايته