ء
رغم ان ضيعتْك ذنـبٍ يرتكبْـه الزمـان
متأسّف لرؤيتِك من عين فكـري تطيـح
تاريـخ روّادك بماضيـك شاهـد عيـان
على انْ حاضرْك بفراش الكسافه طريـح
ما عند الانسان غير الموت فكرة ضمـان
لذلـك المعـذرة أرجـوك ... وآبستـريـح
يا شعر آسف عجزت آكون بـرّ الأمـان
وآسف على شوفِك تْعاني وتركك جريـح
وآسف على قدرك اللي مدري شلون هان
من آخرِك بالنبط إلـى أوّلِـك بالفصيـح
راهنت نفسك عليك وما كسبت الرهـان
عطشاك تتزاحم لبيرك وبيـرك شحيـح
كنت أوّل اصدق مع الإبداع في كل شـان
رثا/حماسه/غزل/حكمه/هجـاء/ ومديـح
قلعتْك كانت فكـر مبـدع وبابـك لسـان
وبيبانك الحين واجد .. دون عقلٍ رجيـح
اللي تعب فيك ما يلقـى لنفسـه مكـان
واللي لعب فيك .. أهديته فضاك الفسيـح
من امرؤ القيس مسرج للتميّـز حصـان
حتى عثر بك .. وانا بكون جداً صريـح
تعيش ؟ ممكن بفضل الإسم وبْـلا كيـان
يعني ما تفرق معـك تغريـد وإلا نبيـح
كان القبيح ان سلك درب بضواحيك زان
واليوم حتى الجمال ان مرّك اصبح قبيـح
لو كان يلمس من اخلص معْك منْك امتنان
ما شفت الاحساس في سجن التصنّع ذبيح
ما تعتـرف بـالأدب والفكـر والإتـزان
وفي عالمِك لا يصحّ إلا اللي ماهو صحيح
تبي مهابه وتتعاطـى اللغـو والهـوان؟
بلا مطر كيف تقدر تنبت الأرض شيح ؟
سمّيتك ( الضايع الموجود ) يابو البيـان
واقعْك ريشة .. وواقع ما حواليك ريـح
لَـ ثاني آلدهمشي .
رد مع اقتباس
المشاركة الأصلية كتبت بواسطة رايق البال
'
