هلا بالجميع ..
بالبدايه نقدم شكرنا وتقديرنا للشاعره شذى المسك على تفاعلها الرائع بالرواق والشكر مني موصول لكل الاخوه والاخوات من الشعراء الغالين جميعا على قلوبنا وبالتأكيد نحن بحاجه لاقلامكم الراقيه والرائعه وبكم نرقى ايها الاحبه ..
مجاراه بسيطه مني لنص الشاعره / شذى المسك واتمنى من الجميع قبول اعتذاري لبساطه الكلمه ..
نص الشاعره / شذى المسك
(مات قلبي بين لقياه وغيابه)
كم قصيدة حيّرت فن الكتابة
وكم طموح صار أشبه بالمحال
السؤال يصير مايلقى إجابة
والإجابة تضيع من رد السؤال
صار وده عندي أشبه بالسحابة
يوم تمطر صيفها وعقبه محال
مات قلبي بين لقياه وغيابه
منشغل فكره ودايم ف إرتحال
والسؤال إلي عجزت ألقى جوابه
ليه هجري من عقب ذاك الوصال
ليه يتركني اقاسي له عذابه
وكان حبي كثر حبات الرمال
غير قلبي من كثر ماقد أصابه
يغلق أبوابه ويعلنها ارتحال
⚘بقلمي
مجاراة النص :
( هام قلبي وارتقى متن السحابه )
هام قلبي وارتقى متن السحابه
وانهمر شلاّل احساسي خيال
والعيون اللي تناظر له سرابه
للأمل .. للحب تنظر لاتزال
علّ من قفّى وخفاقي مشى به
إيتذكّر لي ولو لحظة وصال
واعذاب اللي يفارق واعذابه
يظهر القوه ولا عنده احتمال
إيتراقص لاسمع صوت الربابه
من هموم(ن) راسيات(ن) كالجبال
لاتصبّح يخفي همّه وارتيابه
ولاتمسّى صال بهمومه وجال
كم تجسّد حبي لحضرة جنابه
وكم تناثر كل احساسي خبال
يوم قفىّ صاب قلبي ما اصابه
مارحمني يوم اغني له تعال
يوم قفىّ صك (ع) الاحلام بابه
وانتهت ذكرى يعنونها الجمال
طابت مساءاتكم ..
اخوكم / رايق البال
رد مع اقتباس
المشاركة الأصلية كتبت بواسطة صدى صوت
