صحيح العين ما تعلا على الحاجب
ولــكنَّ الــغــلا للــعــين مــن دونـــه
بعض م الناس يرفع قيمة الصاحب
إذا هو نور يسوى الصـاحب عـيونه
بعض م الناس وقت اللين كالخاطب
وفي الـشده يطــلق حب مضــنونـه
طبع فينا مع الحاضـر على الغايـب
يغـيــب ونـجعـل الأسرار مـعلـونـه
يفــكـرنا صـناديـقٍ ولا صــايــب
قفص صدري فتح بابه لمسجونه
على ظهره من ذنوبه غدى حاطب
لســاني فاس كــسر كل زيــتـونـه
قدر يجمح مدام الحبل ع الغارب
بغى ينطح ولكن طاح ع عقرونه
عسى الطيحه ترجعني عبد تايب
عسى الدعوات بالتوفيق مقرونه
أنا لي قلب يشبه وصفه النـاخب
تــجاذبـه الـمصالـح ثم يـرمـونـه
إلى إن شاف نوراً ليس بالغـارب
ولو أعمى هـداه النور مـضــمونه
رد مع اقتباس
المشاركة الأصلية كتبت بواسطة أميرة الذوق^^
