بيـض الله ( وجه جرحَـك ) لا تجيـني
شفّ أمـوري عقب ضيقي مستتـبّـه
ما بكيت || إلا حسـاايف يا سنيـني
و مـا كتبت — إلا متاهـات المـحبّه
الجفـاف إن طـال ؟ ما يلـوي يديني
و مـن يـذوق القيـض ما غرّه مهبـّه
كنت له ضامي و لـكن شـوف عيني
يـروي الـراويـن مـن : بـارد مـصـبّـه
يـا "سبيـل الغيـر" .. لا تجرح وتيني
مـا يـفيد الـجـرح دكتـوري و طـبّـه
وكان ما يدهشك غـير الشـِعر فيـني
بجمع البـاقي من أشعـاري و اشـبّه
ما وفيـت إلا و انا ادري عـن حنيني
{ ما عشقت إلا و انـا قـد المحـبه }
لو حبـال الوصـل ذابـت في يـميني
كيف ابـوصل دار مضنـوني و احبه
الطريق إن طـال — حـدّه أربعيـني
لكن احساسه ؟ انـشهد طـال دربه
يغـتـرب احيـان ، و أحـيـاناً يبـيـني
يـوم مـرضيـني و بالـ بـاقـي اسبّـه
وإنهـزم بي طفـل مـا يـرضى أنيني
صـار يبكي دون جرح و دون سبّـه
رغـم شحّ الحـال ~ أزهـر ياسميني
معجـزة ما دمت غارق وسـط غبّه
و أختلف بي شي ؛ بـدّل بي يقيني
مـو وحيد اللي معه نـاسه و ربـّه .
الهنوف.
رد مع اقتباس
المشاركة الأصلية كتبت بواسطة ســـعـيد مصــبـح الغــافــري
