السلام عليكم ورحمة الله وبركاته
حياكم الله يا غالين، هالفترة بدينا نلاحظ الاهتمام الزائد بالشكل الخارحي والكشخه، بين الرجال والنساء، كل منهم يبذل جهده عشان يكون كاشخ ويوري الناس نوع ملابسه او مقتنياته الاخرى.
سالم / شاب في مقتبل العمر، خريج ثانوية ويشتغل في القطاع العسكري، راتبه في حدود 600 ريال، وعنده التزامات اسرية و بنكية، بس سالم فيه هوس، والهوس انه يحب يكشخ وكل حاجة يلبسها او يشيلها تكون ماركة عالمية.
سالم باغي يشتري ايفون الجديد و سعر الايفون 600 ريال ( كثر راتب سالم) وسالم معه تلفون جديد، بس يستحي ينزل الايفون وما يكون معه.
يبي يجلس في الكوفي شوب ويستعرض بتلفونه، ويبي يمشي بالمول و يوري الناس ساعته وملابسه واكرمكم الله نعاله.
سالم راح البنك وتسلف عشان خاطر يكشخ ويكون ماشي مع الماركات.
ساميه / بنت تدرس في جامعة اهلية، اسرتها على قد حالهم، وساكنة مع اربع بنات في غرفة، بس المشكله انه فوادها يعورها اذا شافت ماركه وكانت ما عندها، شيلتها من شانيل، وعطرها من ديور والعباية من ارقى دور تصميم، واكرمكم الله نعالها ماركة ستيوارت ويتزمان، وساعتها روليكس وشنطتها من لويس فيتون، ومكياجها من ماري كاي.
بس كل هالففشره والماركات مخسره اهلها وفاقرتنهم،
بس ليش هذا الجنون والهوس
وليش ما نكون وسطيين في الاقتناء، واخذ الشي اللي أصلا نحتاجه.
صح الشي الغالي سعره فيه، بس مو على حساب انفسنا ونغرق ونغرق غيرنا في الديون.
ارائكم تهمني، وممكن تعالج هوس بعض الناس معنا
رد مع اقتباس
المشاركة الأصلية كتبت بواسطة نزف الحروف
