مثل حلم الليل جتني تعتذر

**نـــــــقــــــــاء** · 27-05-2020, 06:48 PM

مثل حلم الليل جتني تعتذر
مثل حلم الليل م تحقق مناي
.
.
طمّنتني وأكدت إنها تمر
يا خسارة ظرفها سبب شقاي
.
.
ليت عيني طوّلت فيها النظر
ليتني ما أعطيتها لحظه قفاي
.
.
إنقتل في داخلي فرحة عمر
عشت في رجواها وتخيّب رجاي
.
.
مالها باللي إنكتب هذا قدر
وانا حظي ماسعى يوم بهناي
.
.
الـقـدر مـافـيـه ابـد مـفـر
والشقى والحزن مولودٍ معاي
.
.
في لها عندي من الذكرى اثر
حبها وجروحها بأقصى حشاي
.
.
يامبدل حالة العسر بيسر
الطف بحالي وخفف من عناي
.
.
ضاعت الآمال في لمحة بصر
أصفق الكفين والفرحة وراي