وُقف كل الكلام إجلال من هيبة تواصيفك
رقى لين الشفايف عز واخضـر الفخر جُواي
ركز رِمح النِعم في صدر من ينكر كرم ايدك
الين ان الشفق بان فسماهم واستفز اقصاي
بِذر مد للقصيد من العطاء اللي بعناقيدك
فرع يتنفس خصالك ولاء وده بولاء شرواي
رقى وطلته ورقى وطلته ورقى مدري مواثيقك
معه بانت معالمها وعانقه السمو فــ ارجاي
سماا وشفته سماا وشفته وصل لين السما وجيتك
اقدملك شعور عروق تبغى اسمك مكان دماي
من اول "جيم" في كلمة "جلالة" قمت اماريبك
الين "الميم" في لفظ "المعظم" لسكنت بشفاي
يا سُلطان السلام
يا سلطان السلام وطيبة النفس وتوافيقك
مسافات الدروب اتـطول ابعد من مدى رؤياي
وارد افتح زمن واوقف على صفحة مواعيدك
مع مصافح نجوم امجاد هالارض بشموخٍ جاي
هلاااا
هلا فزت من ارجاها وغدا كل شي يهليبك
عمر كانه بدل تاريخ له عمرٍ يفوق اشياي
واشوفك يوم لبست الصحاري بضي مواجيبك
خضار وثوب من نهضة وعمار وامسها سراي
زهتبك
زهتبك كل افعالك قبل تزهابها وصيتك
سكن اسماع واذهان بكرمك وعونة المحتاي
سكبت العزم من غيم النفوس واثمر وعيدك
غدى حلم القلوب وعلم ثم حلم بعلم منهاي
غرست الهمة وصرنا حرار وشعبٍ يشيلك
على راسه ولا به راس في ظلك غدى محناي
نجيك عزوم بس امر نطيعك دامنا جيشك
فدتك الاسحلة من برها لين السما والماي
شبهت الشمس
شبهت الشمس يا كثر النهار اللي صحى يريدك
قبل سبعين من عقبه تشبهبك كثر وخطاي
على حطة يدك من وين ما تشرق مواريدك
بعد ربي ورضاه رضاك من طوعتله ممشاي
وقف كل الكلام إجلال من هيبة تواصيفك
رقى لين الشفايف عز واخضر الفخر جواي
رد مع اقتباس
المشاركة الأصلية كتبت بواسطة رايق البال
'
