ياهيييه ياللّي حرّك اشجان واشجان
بوووحك وصلني وصرّختك ارّقتني
همّك كساني والذي كان قد كان
وسيووول حزنك صاحبي غرّقتني
البستني جلباب فخر(ن) وتيجان
وعزفك شجاااني يالوليف وذبحني
وقلب(ن) ضناااني دايم الدوم هيمان
حرّك مسيره صووب دار(ن) دعتني
ياللّي عليك من الغلا الف نيشان
وحشمه وعزّه ومقدره اذهلتني
سبحانه اللّي كمّل الريم سبحان
وارسى دعايم من وصوفه سبتني
ياما غرست الحب مثلك ولا زان
بعيون ناس(ن) بالتجافي رمتني
وياما عشت آهاات وآلام واحزان
ودنياي يامااااا باللّواهب كوووتني
وقصر(ن) بنيته هّد ساسه والأركان
اسلوب ناس(ن) في هواها شقتني
وياما شريت الود بعمري والاثمان
وبين الرجا واليأس عيني افضحتني
ورغم الذي سويت ما شفت انسان
وقّف(ب) صفّي يوم روووحي نعتني
كل(ن) يغني منتشي دوم نشوان
وانا اغني من جرووووح(ن) هوتني
خلها على الله خالق الإنس والجان
ياللّي حروفك والله والله اسعدتني
رد مع اقتباس
المشاركة الأصلية كتبت بواسطة ن الشكيلي
