جايني توّك تعذّر ؟ لسه بدري !
ياحبيبي(أص) صحيت النزيف !!
لو صحيح إنك تحس بحال فقري
مامنعت إيدي عن فتات الرغيف !
بس تدري ؟ / لا أنا مااظن تدري!
عمر ماحسّ الشتا أوجاع الخريف !
شف أنا وطيت لك بالحب قدري
جيت لك شحاذ ما ملّ الرصيف
جيت شايل بالوفا باقات زهري
جيت أكذّب دورة الوقت السخيف
أذكر إني قلت لك خذ هاك عمري
وازهمك زهم المقدّي للــكفيف
كنت أكثر من يجي ع البال يطري
وكنت أموت بغمزة الرمش الرهيف
البلا إني كلما وسعت صدري
صار جرحك خيمتي والهم ضيف !
مومصيبه لاانطعن في يوم ظهري
المصيبه لا انطعن بيد الوليف !
عاد لااقبل عطرك ومديت جسري
هذا لنّي بحضرتك أبقى ضعيف
حمرة خدودك كرز بالحيل يغري
سلهمة جفنٍ تبعثر ( يااااا لطيف )!
وان رضيت وخالجك وش صار عذري
عذري إني صاحب القلب الشفيف
بس تدري ؟ أفرض إنك بس تدري!
من تفارقنا وأشواقي نــزيف
رد مع اقتباس
المشاركة الأصلية كتبت بواسطة عملاق الشعر
