يسعد مساكم / صباحكم
هلا بالجميع ...
ولازال اللقاء معكم متجدد احبتي واتمنى ماراق لي يروق لكم ...
حطبت الحُب من قوّة غيابك و إنكِسَر لي فاس
تعال وقول يا ماخذ جميع أشيائي وش جايب ؟!
ترى ملّيييت من حبر القلم ومعاند القرطاس
عيونك نامت بـ عيني وظنِّي للأسف / خايب
أظن ترجع وما ترجع أظن وما يجيني نعاس
أنا ما قلت لك مخطي ولا هم قلت لك صايب
أبيك الحين ترجع في حياتي .. شمعة الجلاس
مريض وأرفض الراحه لأنك لو تجي طايب ..
علاجي بس لو أسمع من لسانك [ عسى لا باس]
أنا عقلي على درب الجروح فـ غيبتك سايب ..
أنا فيني التعب عايش من رجولي إلين الراس
قوي قلبي ,, ولكني أحس / بـ غيبتك هايب
تخيَّل كل ما أصبر على غيابك , تضيق أنفاس
اتوب شلون عن حُبك وغلاك بداخلي شايب ..؟
أحبك كل يوم " أكثر"وفيني لك كثير إحساس
حضورك كان في قلبي جميع الوقت يا غايب ..
اخوكم / رايق البال
رد مع اقتباس
'
المشاركة الأصلية كتبت بواسطة الشيخه الفلانيه
