يسعد صباحكم / مساكم
هلا بالجميع ..
ولقاء متجدد يجمعنا احبتي واتمنى ماراق لي يروق لكم ...
ضحكت من القهر يالسيد المجنون
بكيت من الفرح يالصادق الحساس ..؟
اجيلك من همومي والحزن مطعون
واعّود منّك صدري يحبس الانفاس
جروحك مالها بـ خزنة شقاي ديون
فقير ولقمتي ونّه وشربي ياس
ادور من عيوني للسهر ماعون
واصب الشوق من عضة شفاي بـ كاس
سألتك لجل احس ان كنت بي مدفون
واثاري ضيقتك ديره وصمتك ناس
فقارى بـ جوعهم ماتوا ولايدرون
بـ ديره مابها غير القلق نوماس
من اول كنت اخاف ان العقيق يخون
اصابيع الوفا .. ثم يبكي الالماس
ويمطر من سحابة فكري المسكون
قصيد(ن) خالطه من روعته وسواس
على ذاك الحبيب الطاهر المصيون
على رمز العفاف المترف الميّاس
وانا اللي زارعه وسط الفؤاد عيون
وعينّت الضلوع لـ حضرته حراس
نبت بي وامتطى خيل الفراق بـ هون
ولافكر يودّعني بـ حبة راس
يقولون الشجر شامخ واقول : شلون ؟
مدام انّ الشجر يرضخ لـ ضربة فاس..!
اخوكم / رايق البال
رد مع اقتباس
المشاركة الأصلية كتبت بواسطة ايس كريم
!
