عواصيف الامل

[بقايا طيف]

لحظه على هونك ترى القلب يهواك
وش ذا الصدود اللي تسويه لأجلي

انا اعرف اجراحك وانا عارف ادواك
واعالجك واجرحك مادمت خلي

اقول أنا ماقساك واقول ماقواك
واقول لك خل الدلع والتغلي

انا ليا حبيت مانيب شرواك
وإن شفت زولك قمت ارحب واهلي

وقف على هونك في الدرب أشواك
اخاف شوك الأرض قدمك يهلي

انا شريتك وانت ياهيه بهواك
خلك وفي ولا فمالك محلي

إن كان دم القلب ياصاح مارواك
يرويك دمع العين حتى تملي

اخبرك وافي بسّ مدري وش اغواك
وصرت متكابر وزودت غلي

إلى متى صدك وهجرك وقسواك
وإلى متى هذا الكبر والتعلي

بحثت رحت وجيت ماعندي سواك
حتى مزون الصيف قامت تهلي

اسمع عواصيف الامل واسمع ادواك
وهمومي اللي بعدها ماتجلي

اوتيل قلبي هو عرينك ومحواك
ضلوع صدري شجرةٍ لك تظلي

يدق نبض القلب ولهان لأضواك
وهموم قلبي كالجبل ماتقلي

روحي وروحك روح ياكيف شنواك
ياكيف نتفارق وياكيف افلي

مدري وش اهدافك ومدري وش أنواك
الحب ماهو لعب ولا تسلي

تبقى مناي القلب لو كنت منواك
تمون ياللي صرت خجلٍ تقلي

مهما يمر العمر احبك وأهواك
تفداك روحي وانت عمري وكلي

[حبي خالص]

بقايا .. اختيار رائع كالعاده
يعطيك ربي العافيه وكلك ذوق

" نص يستحق النجوم الخمس "

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ

[الشيخه الفلانيه]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[نسر البوادي]

بفايا طيف طرح فاق الروعه يعطيك الف عافيه وكلك ذوووق اختي

[اهلي ملاذي]

نص جميــل
تسلمي ع الطرح/!

[صدى صوت]

جميل جدا هذا الانتقاء بقايا طيف ..
نص روعه
يعطيك العافيه

[رايق البال]

هلا فيك بقايا طيف ...
لا جديد في تألقك الدائم بالإختيار العذب
الف شكر لجهدك واختيارك وتفاعلك الجميل
طابت لياليك ..