يسعد مساكم / صباحكم
هلا بالجميع ...
من جديد نلتقي واتمنى ماراق لي يروق لكم ايها الاحبه ..
عطني بعضي
صعبه .. تاخذ كلي
وابقى بدون شي ..!
ولا اقولك :
لا نويت انك خلاص
ما ترجعني لنفسي
مرني .. وطمني اني طيب
وللحين حي ..
كنت قبلك شخص عادي
لا احب .. ولا ابوح
يعني خذها باختصار ..
ما عندي اية فكره عن سر الموالف
كنت حتى ما اعرف اشمعنى قلب
الا من بعض السوالف ..!
كان حدي لا زهقت
ادخل بمخباي .. يدي
واجلس اصفر للجروح ..
تصدق اني ..
كنت جدا طيب
وجدا مزوح
يووووه لامني ذكرت
شلون كنت
قبل اعرف شلون .. ياخذني العشق
وتنهيني انت ..!
انت احبك .. وادري انك لو بعدت .. تحبني
وادري ان باطنك للما .. وظاهرك يم السحاب
شف هربت من الزمان وجيت .. تكفى خبّني
وخلني داخلك عاري .. وانت دور لي ثياب
كم مدحني شخص .. واثره من وراي يسبني
وما طرالي والله ادفن ذمتي .. تحت التراب
تدري .. !؟ صعب الهم وحده يقدر انه يطّبني
الا في حالة : ذكرتك .. ينفتح له الف باب
شفني فاضي .. وانت دامك ممتلي بي عبّني
عبّني ولا شفت اني بنفجر .. فش الغياب
دامني للحين اشوفك .. لا انوجعت .. تنبّني
اعرف ان البال .. ودى بسالفة طيبك وجاب
جاب .. كل اللي تقوله : بانه صدق يحبني
واني شفت بعيني قلبه ,, ودع ضلوعه وذاب
ذاب !!
ذاب .. تدري شمعنى ذاب !؟؟
يعني انك كل ما تفتح خفوقك
ودك بخلك تشوفك
ما تلاقي الا الغياب
حاضر بترديد خوفك !
طابت مساءاتكم ..
اخوكم / رايق البال
رد مع اقتباس
المشاركة الأصلية كتبت بواسطة ورد القرنفل
