يا تباريح الورق لي .. ملّها الخاطر حزين
كيف صرتي من حنيني دمع حبر وأتربه !
طار عصفور : المشاعر دون أغصانٍ وتين
ما ترك الا خفوقٍ .. في :- رفوفٍ متعبه !
سرّ احساس القمر والكون في قلبي دفين
الجفا بصدر الزمن , كلّ الأماكن تشربه !
في عيوني لك سؤال .. وفي يديني عبرتين
ليه أرضي بي تطيح , وليه شمسي ذايبة !
يا غريبٍ : بلل شفاه :- الدهر دمع وحنين
الوجيه .. الي لقتني .. مشرقة أو غاربة !
وش يكون الصوت من دون الألم دون الأنين
وش يكون الموت في صدرٍ ملته الأجوبة ؟
كل كلمه عابره بي وكل همس بي سجين
كل قلبٍ : للرحيل .. وكل - لحظة هاربة !
يا وجودي وجد شاعر ماعرف حرفه لمين
لين نادت له طيوفك , شاف زولك وانتبه !
رد مع اقتباس
المشاركة الأصلية كتبت بواسطة الشيخه الفلانيه
