((((( بدري حـــــــــــــــــــــــــــــــــــــــبيبي )))))

[نسر البوادي]

بدري حبيبي توه الجرح ما طـاب
زيد همومي واجرح واتركني


سيف ركزته وسط قلبي ولاهـاب
كمل جميلك اطعن اليـوم عينـي



مابي عيوني تشتكي جور الأهداب
ولاأبي احد غيري يـداوي انينـي


ماقد طلبتك بس انا اليوم طـلاّب
وابي على كثر الرمـل تكرهنـي


لأني كرهتك صدق ولانيب لعّاب
صعبه على مثلي خيانـة حنينـي



ياما جرحتني يالغلا بـلا اسبـاب
وهالمره عاد اقـول لا تحترينـي


لاتحتري قلب شكى الضيم منصاب
تعب يذوق من القهر مـا يجينـي


جرح الكرامه ماهوب جرح كذاب
عند الكرامه ابيع حتـى ضنينـي


عودت انا نفسي على جلد وعطاب
لامن قصرت يمناي بقطع يدينـي !!


نفسي عزيزة لو هو العشق غلاب
ماهنت انا نفسي وتشهـد يمينـي


قلتـ لي انسيني وانا اقـول بتـراب
بتراب ابيعـك دام بعت سنينـي


خلاص روح لعنبو قلب ما تاب
روح لهوى غيري وغيرك يبيني


الحين روح بقفل بعـدك البـاب
ابكي على نفسك وبعديـن ابّكينـي

[اهلي ملاذي]

نص رآآئع جدآآ
آف شكر لآانــد/!

[نسر البوادي]

اهلي ملاذي تسلمين ياذوووق مرورك الرائع اسعدني وكلك ذوووق

[حبي خالص]

قلتـ لي انسيني وانا اقـول بتـراب
بتراب ابيعـك دام بعت سنينـي

قويه هههههههه
اختيار جميل أخي
كلك ذووووق

[مجنونك ما يخونك]

[نسر البوادي]

هههههه حبي خالص ويش نسوى لما باعونا نرخص بهم تراب اكيد
تسلمين اختي مرورك الرائع اسعدني ياذوووق

[نسر البوادي]

مجنونك تسلمين ياذوووق على مرورك الرائع اختي

[فجر المزون]

نفسي عزيزة لو هو العشق غلاب
ماهنت انا نفسي وتشهـد يمينـي


قلتـ لي انسيني وانا اقـول بتـراب
بتراب ابيعـك دام بعت سنينـي


خلاص روح لعنبو قلب ما تاب
روح لهوى غيري وغيرك يبيني
الله أكبر الله أكبر
رررروعة جدااااااااااااااااااااا

[نسر البوادي]

فجر مرورك هو الاروع اختي يعطيك الف عافيه على المرور الرائع وكلك ذووق ياذوووق

[نوارة الكون]

ياما جرحتني يالغلا بـلا اسبـاب
وهالمره عاد اقـول لا تحترينـي


لاتحتري قلب شكى الضيم منصاب
تعب يذوق من القهر مـا يجينـي


جرح الكرامه ماهوب جرح كذاب
عند الكرامه ابيع حتـى ضنينـي




سلمت يمناك اخوي
انتقاء جميل وتواجد اجمل
دمت في حفظ الرحمن ورعايته