( خربشآت السيدة الآولى 💞) ~

[آلسيدة الآولى]

اقول ابنيه . ترى الوضع عندي عادي . يعني مرتاح . ايوا . بس عندي شغله وحده كنت اريد اسويها . اخلي الاداريين اللي يترشحو . كلهم كانوا قبل مشاغبين. تعرفي ليش يابه مثل ما يقول مؤنس الحياة . لانهم يعرفون كيف يوقفون اللي ما يحترم القانون . اسال مجرب ولا تسال طبيب . شو رايك في مخي العبقري ما استاهل ايفون 7 على هذه العبقرية . وعيدك سعيد مقدما . ولاهل صحار وبالخص لاهل صلان دار الاهل

عيل خسارة راح عليك تطبيق الفكرة ههههههع لا ما شاء الله عبقري ونص وتستاهل آيفون 8 بعد بس انتظر لحد ما يصنعوه وينزلوه وفالك طيب ههههههع

وكل عام وانت بخير وعساك من عواده .. وسلامك واصل لأهل صحار
بس اهل صلان ما يخلصني اروح صوبهم هههههع بس انت خبرني من هم
عشان لما اطوف هذاك الصوب اتعني اوصل سلامك

وشسمه هات عيديه

[آلسيدة الآولى]

انت عيدي هالسنه وعامي الجديد انت عمر فوق العمر وانت كل العالمين ❤

[آلسيدة الآولى]

[img]http://d.*******.net/p_188mfbn0.jpeg[/img]

‏ينعاد قربك عليّ،
‏ وقلبك مبارك💛.

[آلسيدة الآولى]

[img]http://e.*******.net/p_1896hxj0.jpeg[/img]

أبصرتُ في عينيه دمعاً هدَّني،ما لي أرى عينيك يغزوها شجنُ،القِ عليَّ الحزنَ دومًا وابتسم فالروحُ يانبضَ الفؤادِ لك الوطنُ 💘

...

[آلسيدة الآولى]

صباحو ...
الحين تفيقت أدون اللي طاف .. طول فترة العيد كنت بيزي مادري شو اللي شاغلني بس بيزي حتى زميلات الدوام اليوم أعايد عليهن قالن لي ما ورا عليج هههههع شسوي ما أواحي

بخبركم من أول يوم العيد فـ الدقائق الأولى أنا جبت العيد
تخيلوا شو سويت كنت ابا ارسل رسالة جماعيه اهنيهم بالعيد فـ الواتس
فقلت بضيف زملاء وزميلات الدوام وبعض اللي ما ارسللهم دايماً قلت بسوي قائمة جديدة ومادري شو اللي خلاني أفتح مجموعه جديده تخيلوا فتحت مجموعه وضايفه كل الشعب من شفتهم كلهم ف مكان واحد قمت شردت هههههع ورميت الفون من الخوف ما عرفت شو أسوي واحتشر عندي الواتس فطوم شو سويتي فطوم سلامات فطوم وفطوم
وانا ماشي ما ارد من الفشله الحمدلله انه صار مشرف المجموعه واحد من الاهل وعلى طول اتصل فيه قلتله طلعهم من الجروب وقولهم بالغلط وانا اكلمه وهو ميت علي من الضحك .. والحين خلص حلفت ما ارسل رسالات جماعيه ابد تووووووووبه خلص !!
وعاد بعدين الظهر كلينا القليه اللي هي المقلي معظمكم يسميها وصح الصبح الريوق هريس طبعاً انا ما احبه ما كليت ...

ثاني يوم كان معانا المشوي والخل تجمعوا العائلة الكريمة فـ مزرعة جدي المخضرم وكلينا المشوي كان حاجه عجيبه لذييييييذ وطبعاً رجعنا البيت وما شاء الله بيتنا ما يخلي من الزوار حتى اخر شي ما خلصني اطلع انضميت ف الغرفه وجهي تشخبط من روجات الحريم هههههههع

ثالث يوم اللي هو اليوم تجمعنا ف بيتنا وتغدوا لحم بس انا لا لانه اللحم احس مسوي حفله ف بطني فما كليت رحت اتغدي ف ماك بعدين طلعت البنات نتمشى وصلنا لـ مجز الحب❤ وعقب ردينا وف الطريق صار فلم واحد عنده نيسان رقم قطر ويبا يتجاوز ما خليته نشفت ريقه والبنات يصارخن وانا ماشي معصبه ههههههع اول مره اجازف جي
المهم الرجال تجاوزني من اليمين والشارع صغير وانا اسرع وهو يسرع وسيارة قدامي زين ما تداعمنا وعاد هنا انا وقفت خفت والبنات ينازعني بس طلع حلو التخميس هههههههههع وصح عندنا عرس وما رحت
وخاتمة العيد . .
عسـى تعـود الاماني '
ونـرجـع نعـايـدكـم سنيـن ❤
...

[آلسيدة الآولى]

صبآح النشآط الغير متوقع مني في هذآ اليوم المبآرك 😳

أول مره في تاريخي الوظيفي أكون بـ هالنشاط سبحان مغيّر الأحوال >> اللهم لا حسد
الدوام يبدأ 7 ونص وأنا ناشه 5 ونص ومخلصة لالالا ما عرفتني صراحة
يمكن من الحلم الغريب اللي حلمته .. الله يخليكم أي حد يعرف يفسر الأحلام
يفسره لي .. 😕

بعد أحاتي صديقتي الغاليه أمس ما كلمتها قبل لا تسافر 😭😭 انشغلت شوي
ولما فضيت عاد هي طايره >> حبيبتي رونقوه الله يحفظج وترجعي بالسلامة وربي
يعطيج الصحة والعافية .. سامحيني والله كنت بكلمج بس بخبرج شو اللي شغلني
ما هنا هناك ☹ ..
اللي يمر على هالصفحة يدعي لـها بالشفاء ❤

بقوم أروح صوب البحر طشه قبل لا أروح أقابل هاذيك الوجوه ههع

يومكم سعيد ي عالم 💞
...

[آلسيدة الآولى]

[img]http://c.*******.net/p_191yv6d0.jpeg[/img]

والعوَض ي ربي طيفه علّه يخف الوله❤

باي باي
...

[آلسيدة الآولى]

[img]http://e.*******.net/p_192r9qh2.jpeg[/img]


[img]http://c.*******.net/p_192cy5n0.jpeg[/img]


ما علمگ صوت المطر كيف أحتريگ !
وإلا المطر ما جاب لي طاري أبد ❤

[آلسيدة الآولى]

[img]http://b.*******.net/p_1934b190.jpeg[/img]

‏ابتسموا فـ نحن بفضل الله نعيش وليس بفضل الآخرين ! الحمد لله دائماً وابداً 💭

[آلسيدة الآولى]

[img]http://a.*******.net/p_1937xlu0.jpeg[/img]

تعبت حروفي وتعب ساعي البريد
وانت حبگ صحوتي وجلّاسي
على الهامش عايش وياك وسعيد
جبل حبك فوق .. فوق قلبي راسي
آني بيك توحدت وانت الوحيد
من أشم عطرك تطيب أنفآسي ❤~
...