^-^ شعورٌ يلامس نبضي °~° ®

[Raba]

صح ليه ما احد معبرني في برنامج الصراحة لها الدرجة انا بعيدة عن الجميع ما عليه احسن لكم ...

[Raba]

... عساكم طيبين ...
واجد أحداث صارت ومنها أسناني انكسرت صدمتني كنت اكل شيء عص هههههه انكسرت بالنص وتفرغت من النص وظلت مكسورة من الخلف وتتحرك بس ما راضية تطلع وتنقلع معورتني بعنف مسويه لي صداع لانها كانت محشوه بحشوة الليزر ... وقايله ما اريد اروح عيادة هنا

[Raba]

⠇
عساكم طيبين ...
واجد أحداث صارت ومنها أسناني انكسرت صدمتني كنت اكل شيء عص هههههه انكسرت بالنص وتفرغت من النص وظلت مكسورة من الخلف وتتحرك بس ما راضية تطلع وتنقلع معورتني بعنف مسويه لي صداع لانها كانت محشوه بحشوة الليزر ... وقايله ما اريد اروح عيادة هنا


الف سلامة لك
بس مفهمنا شي
كلامك ملخبط

الله يسلمك ويعافيك من كل شر ..
ههههه الحين انا طلعت أتكلم هندي يعني ما تفهمون علي الله كريم هههههه
السالفة. اني كنت اكل وانكسرت سن من أسنان الطواحن بالنص كنت مسويه حشوة لسن سابقا المهم السن من قدام ثابته بس النص الخلفي يتحرك يبي ينقلع والحشوة تبطلت فصار السن فيه فراغ من النص .. الحين مسوي لي صداع لان السن مكشوف من النص . وبس كيف الشرح زين

[Raba]

اي احد ما يفهم على كتاباتي أعتذر منك بس الأهم انا افهم على نفسي حتى أتذكر الماضي القاسي ههههه ،،،،

المهم عبور أمس تعبت مره وجلست عندها وقرأت عليها وقالت بتطلع تشم هواء خبرت فوفو تروح معها وفعلا راحوا وانا جالسة اسمع موسيقى واشتغل ع اللاب توب واجت زوز معي وزميلي مع ع الفون لأني اشتغل على اسايمنت جماعي وما راضي النت يشبك معي المهم فجأة سمعت صوت تنفس قوي شفت زوز قلت لها فتحي الباب بسرعة لفوفو صوت عبور وفعلا كانت عبور تعبانه والسكيورتي معها وأنا جالسة بدون شيله وبدون جاكيت ومن شفت شعره لبست الجاكيت في راسي ودورت شيله شكلي كان مصدوم وبعدين لقيت شيله حطيتها في راسي وهو طلع مسلم نزل راسه وقالي مسكيها مسكتها نيمتها ع السرير وسويت اللازم شفت زوز تنتفض من الخوف لان عبور ما كانت تقدر توقف وعاد السكيورتي يقول شقة من هذي قلت له انا وانا جالسة داخل .. وبس الحمدلله تحسنت وهو طلع واليوم البنات يضحكوا على شكلي أمس واليوم تعبت مرتين بعد نفس الحاله المهم القنصلية قالوا يمكن يرجعوها عمان وانا ما اريدهم يرجعوها باقي شهر ويخلص السمستر خلها تخلص وترجع ولا ترسب وهي تعبانه أشهر في السمستر عاد قالي نبي نشوفها بكرة معها مع القنصل موعد وانا بعد بكرة اختبار ما اعرف كيف عاد .. ربي يشفيها يا رب ويشفي مرضى المسلمين يا رب العالمين

[Raba]

النظرة المشؤومة ...



في زحمة الأيام وعلى صخب الحياة واصوات الشوارع المكتضه بالركاب ،،
لم تقودني اللحظة إلا عليك إلى عينيك وألطاف بسمة شقت مسارها إليك ،،
اعتدت توزيع الصدقات ببسمة تملئها نوايا حسنة وتفاؤل عالي لم أكن اقصد
ببسمتي شيء مجرد عادة ترعرعت عليها ...
الا ان وقعها لم يكن كسابق عهدها فقد فتح لقلبي مكان للحديث مكان للانجذاب
مكان آخر لم اعتد عليه ،،،

يتبع ...>

[Raba]

أهلين اليوم كان عندي اختبارين عملي بس ياخي rip ما صار معي أما المقالي كان سهل الحمد لله .. صح بعد رحت العيادة وطلبوا فحوصات وانا اصلا ما حابه الدكتور ودي ما أعرف شو بس خلي الزمن يرجع عنده ..

ايوا تخيلوا السوبر فايزر حجنا من القنصلية متصل علي يدعوني بشكل رسمي حج ندوة يوم الجمعة بصراحة ما عرفتني انتفخت القنصل طالبني شخصيا يا عيني أنا .. اصلا أمس لقيت القنصل كنت موصله عبور طالبنها عنده عشان يشوف إذا بترجع عمان وكذا .. اونه شو رأيك ضي قلت له الشور عندها والأفضل ما ترجع باقي شهر ع الاختبارات وان شاء الله تتحسن وانا احس إنها بدت تتحسن أمس تعبت بس مره وحده الحمدلله ..

صح أمس كلمت امي بالليل تخيلوا تصرفني أوين روحي نامي عاد وحده عندكم أقولها 12 بعده قالت انزين نامي بكره اختبار قلت لها اريد اشكي لك همومي قالت طيب قولي مالك خبرتها أسناني قالت شربي بندول ههههه ويوم بتجي عمان بنوديك عيادة قلت لها انزين اريد أكلم أبوي هونت قالت راح بعدين كلميه قلت لها بكلم مرتضى الحين يتكلم شويه قالي لي ضي رياض خارج وبس ههههه وفرحت انا مذكرني بعده هههه ... وانتهت

[Raba]

في احد رسال لي رسالة حلوه شكرا لك والي يحب كتاباتي ويتابعهم مشكورين ما تقصروا وعسى ربي يوفقكم إن شاء اللّه ويفتح لكم أبواب الرزق والسعادة يا رب...

ولي يسأل عن زوز للاسف انا علي من نفسي خلني انتبه على نفسي بعدين انتبه لخلق الله وعاد كبرها تنتبه لنفسها لاه عيل أنا ما احد يقولي ضي انتبهي على نفسك ليه انتوا كذا قاسين تجرحوا قلبي التتون .. انا انشطف قلبي خلاص ههههه

مممم وين مالي حس قصدك .. ترا الحين عامله مخفي شوي منازعه ههههه
خلاص راحن الحلويات واشترينا جديد الحين وجبنا جلاكسي بعد هههههه بس ما فضيت أصور ...

[Raba]

ههههه انا متزوجة ما عندي خبر وابيلي .. المهم أدعي لي بالخير وصح ما لازم اعرف من انت او أنتي ما عندي ذاك الفضول ... وفقك الله

[Raba]

خير ان شاء الله كله من فضل ربي ولله الحمد .... الي راسل في الصراحة ...


ما شاء اللّه عليكم ما احد نقدني الكل مدحني كنت انتظر انتقادات قد تعمل تغيير في حياتي او أوقف عندها وصح من الأول ما عندي فضول اعرف من يرسل يعني ما يحتاج أحد يكتب لقبه ... خلي الرسالة لي وبحتفظ بالرد اذا وجب ...

[Raba]

اشلخ في شو ؟؟



الأمنيات المحلقة ستجد يوما ضالتها سأنتظر ....